Супер фактылар: Эмне үчүн космосто ыйлоо оор экенин билесизби?

Тектеш кабарлар: Супер фактылардын топтому (92 материал)

Жер жүзүндө жүрүп кубанычтан же кайгыдан ыйлоого миң себеп табылат. Бирок космос мейкиндигинде көзгө жаш алуу Жерде жүргөнгө караганда алда канча оор экенин билесизби?

НАСАнын адистеринин айтымында, космосто микрогравитация шарттарында жаш көздөн акпастан көздүн айланасында топтолуп туруп калат.

Салмаксыздык адамдын көрүүсүнө терс таасирин тийгизет, ал суюктуктун башты көздөй жылышынан пайда болот. Ошондой эле мейкиндикте көз кургап, кокус жаш пайда болсо ачыштырат. Ый көздүн чарасында топтолуп тура бергендиктен, космонавттар атайын кургак майлык менен кургатууга туура келет. Кыскасы, космосто ыйлоо ыңгайсыз, ошол эле учурда көзгө терс таасирин тийгизет.

Америкалык космонавт Крис Хэдфилд мындай учурду башынан өткөргөнүн өзүнүн ютуб каналында айтып берген: "Ачык космоско чыкканда кокус көзгө бир нерсе кирип кетүү же жаш пайда болуу эң кооптуу. Себеби скафандрды чечүү мүмкүн эмес, же колуң менен же жүз аарчы менен аарчый албайсың. Бир жолу ачык космостон көзүмө бир нерсе түшүп кетти. Дароо көзүм ачышып, жаш чыкты. Бир аздан кийин көзүм эч нерсени көрбөй калды. Учууларды башкаруу борборунун буйруктарын так аткарып жатып көзүмдүн көрүүсү калыбына келген. Бул эң кооптуу учурлардын бири", - деп эскерген космонавт.