Роза Отунбаева сотто: "2010-жылы 13-майда Текебаев менин көз алдымда болгон"

Кыргыздын экс-президенти Роза Отунбаева сотто Өмүрбек Текебаев жана Дүйшөнкул Чотоновго ачылган кылмыш ишинин алкагында күбө катары көрсөтмө берүүдө. Отунбаева 2010-жылы Убактылуу өкмөт кандай шартта түзүлгөнүн, кандай кадамдарга барганын айтып берди. 2010-жылдын 11-13-май күндөрү Убактылуу өкмөт кантип иштегенин хронология тартибинде баяндоодо.

Белгилүү болгондой, Текебаев "2010-жылдын 13-майында Леонид Маевский менен жолугушуп "Супара" эс алуу жайында "Мегаком" боюнча сүйлөшүү жүргүзгөн" деп айыпталууда. Роза Отунбаева 2010-жылдын 13-май күнү Текебаев Убактылуу өкмөттүн жыйындарына катышып, көз алдында болгонун ырастады.

"Ал күнү өлкөдө кыйын кырдаал болчу, бакиевчилер түштүктө облустук администрацияларды басып алууга аракет кылып жаткан маал эле. Убактылуу өкмөттүн мүчөлөрү тез-тез жыйынга чогулуп турчубуз. 13-май күнү Текебаев жана Убактылуу өкмөттүн башка мүчөлөрү мен өткөргөн оперативдүү жыйындарга катышып жатышты", - деди экс-президент.

Жактоочулар: "Текебаев ал күнү "Супарага" барышы мүмкүн беле?" деп сурашты. Отунбаева: "Билбейм, мен аны "Супарага" барды дегенге ишенбейм", - деген жооп узатты.

Экс-президент Убактылуу өкмөттө Текебаев Конституциялык реформадан башка иш менен алектенбегенин да айтты. "Мегаком" жана башка мүлктөр боюнча жоопкерчилик Убактылуу өкмөттүн төрайымынын биринчи орун басары Алмазбек Атамбаевде болгонун кошумчалады.

Сөзүнүн башында Отунбаева бул соттук процессти саясий иш деп эсептей турганын айтты эле судья аны токтотту. Күбөнү жеке жоромол айтпай, конкреттүү жооп узатууга чакырды. Мындан кийин айыпталуучу Текебаев: "Модин, Маевский, Абдрахманов жеке жоромол айтса болот да, Кыргыздын экс-президенти айтса болбойбу?" - деп судьяны калыстыкка чакырды.

Бишкектин Биринчи Май райондук сотунда 13-июлда Текебаев жана Чотоновго ачылган кылмыш иши боюнча сот отуруму уланууда. Күбө катары экс-депутат Феликс Кулов жана президенттик аппараттын мурдагы башчысы Данияр Нарымбаев көрсөтмө бере турганы күтүлүүдө. Аталган жарандар сотко келишти.

Автор: Автандил Добулбеков

10:34 13-07-2017

Жазылуу

Тектеш кабарлар:

Текебаевдин соту башталды. Бүгүн өкүм чыгары күтүлүүдө

Текебаевдин сотунда Абдрахманов менен Модиндин беттешкен видеосу көрсөтүлүп, көрсөтмөлөрдө дал келбестик чыкты

Өмүрбек Текебаев жарыш сөзүн аяктады

Маевскийдин паспортунда 2010-жылы Кыргыз өлкөсүнө келгенин тастыктаган мөөр табылган жок

Текебаевдин жактоочулары премьер-министрди сотко чакырууну өтүнүштү

Текебаевдин жактоочусу: "Сотко прокурорлор Текебаевге каршы көрсөтмө берчү күбөлөрдү гана чакырып жатышат"

Маевский сотто: "Мен Текебаевге берген акча парабы, пара эмеспи сот чечсин"

Өмүрбек Текебаев менен Дүйшөнкул Чотоновдун соту уланууда

Текебаев "Мегакомдун" жетекчиси Азат Базаркуловдун соттогу көрсөтмөсүндө айткан маалыматтарын четке какты

Сотто Текебаев менен Маевский жолугушкан деп айтылган күндөрдө алардын телефондук сүйлөшүүлөрү жок болуп чыкты

РУБРИКАДАГЫ СОҢКУ КАБАРЛАР

10:57 2025-05-02 | Коом жана турмуш

АКШдан депортациялангын 20 кыргызстандык жаран өлкөгө кайтып келди 28 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 324 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 323 0

09:38 2025-05-02 | Коом жана турмуш

Көпчүлүк аймактарда жаан жаайт. Бүгүнкүгө карата абы ырайы тууралуу маалымат 253 0

09:24 2025-05-02 | Коом жана турмуш

Дүйнөлүк валюталардын сомго карата наркы 336 0

09:14 2025-05-02 | Коом жана турмуш

Вокзалдагы жык-жыйма эл: Бишкектеги автобустар аймактарга каттамга чыкты 708 0

Архив

Комментарийлер (6)

Gamze90

2017-07-13 12:05:30

Тез тез чогулуп жатып анда оштогу окуяны ушулар баштаганда. Просто Бакиев ти шылтып коюшту да. Козу жооок адамга шылталапсалган жакшыго

wwwbaxa

2017-07-13 13:31:40

баары АШАга каршы көрсөтмө берип жатышат "шеф"ти дагы сурак кылсын эми

taku1414

2017-07-13 16:55:04

Атамбаев да келип кубо болсун. бардык иш Атамбаевке барып такалып атат.

jbolotov

2017-07-13 18:56:22

Тойгончо жеп олгончо карганат дегендер ушуларда "Убактылуу окмот"

Tash-Myltyk

2017-07-13 20:19:31

Ким кимдин кайыгында сузуп баратканы билинип турат.

s.k.bakyt

2017-07-14 00:33:50

Ушунун баарын Бакиевтер көрүп бир жери менен күлүп атышса керек, шылдың болбой ары же бери болгула да. Атамбаев келсе эмне Текеден кечирим сурамак беле,кылган ишин мойнуна алсын дейт да, ага айтпай жазашса керек бул ишти.

Комментарий калтыруу үчүн өз ысымыңыз менен кириңиз же каттоодон өтүңүз.