Улукбек Кочкоров: "Биз 386 миллион долларга ЖЭБ толук жаңыланат деп ойлогонбуз. Бул жерде абдан чоң коррупция бар"

Бишкек жылуулук борборундагы абал жолго коюлуп, жылуулук берилгени менен ЖЭБге жумшалган 386 миллион доллардын тегерегиндеги талкуулар токтой элек. Жаңыланган ЖЭБдин тегерегинде көп суроолор бүгүн да жоопсуз калууда. V чакырылыштагы Жогорку Кеңеш Кытайдан алынган насыяны 2013-жылы ратификациялаган. Бул келишимге ошол кездеги депутат Улукбек Кочкоров каршы добуш бергендердин бири болгон. Кочкоров эмне үчүн бул чуулгандуу келишимге башынан эле каршы болгонунун себептерин SUPER.KG`ге айтып берди.

"Каршы болгонубуздун бирден бир себеби ЖЭБди жаңылоо боюнча техникалык экономикалык негиздеме жок болчу. Аны эч ким эсептеп чыкпаса, техникалык экономикалык эсеби, долбоору болбосо эмне үчүн 386 миллион доллар деп суроо койгонбуз. Биринчи ката, биз канча кетишин билбей туруп эле 386 миллионду алып баштаганбыз. Экинчи ката, өкмөт башынан эле "ТВЕА" компаниясына тендери жок берүүнү көздөп, ошонун артынан аракет кылып келген. Кытай тараптын шарты боюнча алар бизге насыяны берет, биз долбоорду Кытайдын ишканалары менен гана ишке ашырышыбыз керек. Кытайда 11 ири мамлекеттик энергетикалык корпорациялар болгон, алардын арасынан мыктысын тандабай, биздин өкмөт "ТВЕАга" жабышып алган. "ТВЕА" биздин билишибиз боюнча энергетикага керектелүүчү кабель чыгарган компания болчу.

Башынан эле Кытайдагы ЖЭБдерди куруп келген дагы бир компаниясы "тендер болсо катышабыз" деп ниетин билдирип келген. Алар өкмөткө, Жогорку Кеңешке, президентке кайрылып, тендер өтө турган болсо 30 миллион долларга арзан жасап бере турганын билдирген. Ал компания атомдук, жылуулук энергетикалык борборлорун куруп жүргөн тажрыйбалуу болчу. Бирок өкмөт ага карабай "ТВЕАга" берип койду. Ошондуктан биз каршы добуш бергенбиз", - деди Кочкоров.

Улукбек Кочкоров ошол кезде өкмөт 386 миллион долларга ЖЭБдин үчтөн бири эле куруларын эске албаганын айтты. Ал ЖЭБдин тегерегинде ири коррупциялык иштер болгон деген пикирде.

"Ал учурда 386 миллион долларга 30 пайызы гана курулат деп айтылган эмес. Толук оңдолуп, жаңы ЖЭБ болот деп ойлогонбуз. Ошондо бүтпөй жаткан экинчи ЖЭБ бар ошону эле куруп бүтүрбөйлүбү деген сунуштар болгон. Ал эми ЖЭБдин 30 пайызы эле жаңыланганын кечээ мен авария болгондон кийин билип жатам. Бул жерде өтө чоң коррупциялык иш болгон. Бул мамлекетке чыккынчылык, диверсия болгон. Эң өкүнүчтүүсү бүгүн да жаап жашырып, ошону убагында жаңылабаганда быйыл кыштан чыкпай тоңуп калмакпыз деп айтып жатышкандары туура эмес", - деди Кочкоров.

Автор: Мунарбек Жоргомов

15:02 03-02-2018

Жазылуу

Тектеш кабарлар:

Жогорку Кеңеш Бишкек ЖЭБдеги кырсык боюнча маселеге кайрылат

Жантөрө Сатыбалдиевдин жалганчылыгы (аудио)

Депутат Бишкек ЖЭБи башка өлкөлөргө салыштырмалуу көп каражатка жаңыланганын айтты

Башкы прокурор мурдагы финансы министри Ольга Лаврова Бишкек шаарында экенин айтты

Айбек Калиев: "386 миллион долларга Бишкек ЖЭБинин 30 пайызы гана курулган"

Сапар Исаков: "ЖЭБдин жетекчилери эмне айтпасын, эми алардын бир да сөзүнө ишенбейм"

Депутат "600 долларлык кычкач" делген шаймандарды базардан 2500 сомго сатып алганын айтты

ЖЭБ чыры. Бүгүн депутаттык комиссия ишинин жыйынтыгын жарыялайт

Депутат Рыскелди Момбеков: "Аткаруучулардын аты аталып, башкаруучулардын аты аталган жок"

Депутат Бишкек ЖЭБдеги авария тууралуу: "Премьер-министрдин башка иштери көп, Улуттук энергетикалык холдинг түздөн-түз караш керек эле"

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (24)

jbolotov

2018-02-03 17:19:17

Эми ушул иштин аягына чыккан депутаттар чыкса экен. 10млн долларга арзан куруп беребиз деп ТЭЦ эмес АЭСтида куралган компания болгон экен. Коррупция ачык эле билинип турат. Эмне учун ТВЕАга жабышып алышкан? Жалпы бир махинациясы болгонго?

Revolyutsi9

2018-02-03 17:22:39

Жегендерди кустуруш керек

+10

daniel87

2018-02-03 18:13:15

Revolyutsi9,кана кимди айта аласыз кустуруп алат деп Тууган жок дегенде 1адамды мисал келтиринизчи

Kamchy-bek

2018-02-03 18:01:15

АШАнын кайра-кайра кытайга каттаганын бекерден эмес го

daniel87

2018-02-03 18:03:34

АША ашмалтайын чыгарып буткон элди бири ойлобойт Кыргыз окмотуно ,элге бир куйгон онуктуройун деген адам жоок!баары эле жемей ичмей.кайран Текебаев сизди камап койуп билгенин жасап жатышат!кечирин бизди эл учун куйгон ак ак деген сизди эл душмандардан коргой албадык

dastan.bujun

2018-02-03 18:08:48

Кочкоров президент Боло Турган киши палитиканы жакшы тушунот.

Nanei

2018-02-03 20:18:57

Эми ойгондунарбы??? Коррупции бут олкобузду каптаган,саранча дай болуп

jbolotov

2018-02-03 21:39:10

Мамлекетке чыккынчылык кылган чиновниктерди камаш керек. Качан бизде закон иштейт? 386 млн доллар деген 2 миллиард 600 миллион, 400 мин сом. Бул акчага бир кичи микрорайон курса болот.

-Sumitra-

2018-02-03 21:41:41

386млн кайсы жактарына батырышты экен булар?Бироодон бир сом алсан коркосун го.Булар охууу жеп уйронуп калышыптыр да.Бети жоктор!Тешип чыксын ошол долларлар!

BekAmir

2018-02-04 00:00:46

Батукаев учкан самолет дагы деле жерге тушо элек... бул коррупция бир кылымда ачылат

bakulya2015

2018-02-04 03:29:16

Бул ишке Атамбаевтин тийешеси бар окшойтго. Кочкоровтун созундо жан бар.

didu

2018-02-04 09:41:27

иштен айдап тимболбой иш козгош керек.

didu

2018-02-04 09:43:41

жарымын иштетип жарымын 5_6 жетимдер болуп алышканда

rysik79

2018-02-04 10:11:57

ХХХХХХХХХХх ушинтип ойлоптур .бир мектептин котелу эмес да бир бобор калаанын казандары болуп жатпайбы. 50 жылдан бери бир ремонт корбогон казандар. Кошунам тэцте иштейт айтты кытайдын казандары болбосо шаар бут тонмок деп . ТХХХХХХХХХ

-2

Mers124

2018-02-04 19:13:15

Ошондо башка компания 356 млн долларга тэцти 100 процент жанылап беребиз деген турбайбы

gulmira96

2018-02-05 03:36:31

Келесоо кишиге деле белгилуу болуп калды го жеп жутарлардын жеп алганы АШАсы баш болуп.

Комментарий калтыруу үчүн өз ысымыңыз менен кириңиз же каттоодон өтүңүз.