Жогорку Кеңеш Алматыда кармалган депутат боюнча билдирүү жасады

Жогорку Кеңеш депутат Асылбек уулу Дамирбектин иши боюнча Тышкы иштер министрлиги жана тиешелүү укук коргоо органдары жүргүзүп жаткан иш-аракеттерге дыкаттык менен көз салып турарын билдирет жана буга чейин “Кыргызстан” парламенттик фракциясы тараткан билдирүүгө толугу менен кошулат. Бул тууралуу парламенттин басма сөз кызматы билдирди.

"Асылбек уулу Дамирбек социалдык-экономикалык маселелерди парламент трибунасынан байма-бай козгоп, жигердүү иш жүргүзгөн депутаттардын бири. Андан тышкары ал күрөш боюнча Кыргыз жана Казакстан желегинин алдында эл аралык таймаштарга катышып, спорт дүйнөсүнө кеңири таанылган ишмер.

Жогорку Кеңештин төрагасы Дастанбек Жумабеков Асылбек уулу Дамирбектин ишин эл аралык эрежелердин алкагында иликтөөгө жана Жогорку Кеңештин депутаттары менен жолугуштурууга көмөк көрсөтүү өтүнүчү менен кесиптеши Казакстандын Мажилисинин төрагасы Нурлан Нигматулиндин атына кат жолдоду. Жогорку Кеңеш Казакстандын аймагында кармалган Кыргыз жарандарынын, анын ичинде депутат Асылбек уулу Дамирбектин иши Казакстандын тиешелүү органдары тарабынан мыйзам чегинде, адам укуктарын сактоо менен жана акыйкат иликтенет деп ишенет", - деп айтылат парламенттин билдирүүсүндө.

Эске салсак, 19-февраль күнү Казакстандын Башкы прокуратурасы аталган өлкөнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү, бажыга байланыштуу тармагындагы укукка каршы ишмердүүлүктү токтотуу максатында атайын операция жүргүзүлгөнүн билдирген. Жыйынтыгында 35 шектүү адам кармалып, анын ичинде 3 Кыргыз жараны бар. Анын бири - Жогорку Кеңештин депутаты Дамирбек Асылбек уулу экендиги тастыкталган. Кармалгандар Кытайдан Казакстанга, ошондой Кытайдан Кыргыз мамлекети аркылуу Казакстанга көмүскө схемалар жана жасалма документтер менен товар киргизүүгө шектелип жатышат.

Автор: Нургазы Аматов

16:43 21-02-2018

Жазылуу

Тектеш кабарлар:

Казакстанда депутат Дамирбек Асылбек уулу менен бирге кармалган эки Кыргыз жаранына айып тагылып, камакка алынды

Максат Сабиров: "Казакстанда кармалган депутат боюнча комитеттерде, фракцияларда каралып жатат"

Кыргыз Республикасы менен Казакстандын тышкы иштер министрлери Кыргыз депутатынын кармалышын талкуулашты

ТИМ Казакстандын укук коргоо органдары Жогорку Кеңештин депутаты менен кошо дагы үч Кыргыз жараны кармалганын айтты

Алмазбек Баатырбеков: "Казакстанда кармалган Кыргыз депутаты аткезчилердин башында турган деген маалыматка ишенбейм"

Казакстандын Башкы прокуратурасы Жогорку Кеңештин депутаты чек арадагы контрабанда боюнча кармалганын билдирди (видео)

БШКнын төрайымы: "Дамирбек Асылбек уулунун кош жарандуулугу боюнча тийиштүү органдарга суроо-талап жибердик"

Жогорку Кеңештин депутаты Дамирбек Асылбек уулунун өмүр баяны

Сотто Казакстанда кармалган Дамирбек Асылбек уулунун мыйзамсыз кылмыштуу топ түзгөнү айтылды

Казакстанда кармалган Дамирбек Асылбек уулу депутаттык мандатынан ажыратылды

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 636 0

00:36 2025-05-16 | Түркүн дүйнө

Франция Иранды Эл аралык сотко берет 509 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 413 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 1292 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 859 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 655 0

Архив

Комментарийлер (5)

RusMos76

2018-02-21 16:58:50

Депутатпы жонокой жаранбы коргосонор 3тен коргогула да, кылмыш кылдыбы жазасын алсын бийликте отурган адам жонокой адамга караганда миллиондогон зыян кылышы мумкун мамлекетке.

+11

Too-tash

2018-02-21 17:19:29

Бийликке, анын ичинде Жогорку Кенешке ууру-каракчылар, криминал менен контрабандисттер чогулуп алганынан дагы бир далил...

Эми Жогорку Кенеш айласы кетип актап жатабы спорсмен эле, палан-тукун эле деп...

Уялбайсынарбы 120 и.р..к кылмышкер коллеганардын камчысын чаап таза дегенден....

Эгер Жогорку Кенештин абалы бул болсо, Жогорку Кенешти токтоосуз таркатыш керек!!!

Muslim_KGstana.

2018-02-21 18:06:11

Оа КЫРГЫЗСТАН эле адам укуктарын сактоо,мыйзамдын чегинен чыкпай адилеттуу карап жатат хи хи хи
Жазсанар,суйлосонор эле создорду алтын тамгадан тизип жазып,суйлойсунор.
Казак бийлиги оздору сонун билет мыйзамдуулук,адилеттуулук кайсыл жакта экенин ХХХтер

MUHLISA

2018-02-21 18:14:06

Кунөөлүнү актап, күнөөсүздү каралап коесүңар ээ! !!!!!

Azatbek83

2018-02-21 23:14:32

Эптеп актайын деп жатасынарбы?!Эми тушунуктуу буларга окшогондор Кыргызстанда да кармалып тез эле элге билинбей бошоп кетишет!Кокустан элге билинип калса актап мактап жиберет окшойсунар!Жакшы башка жакта кармалыптыр!Эмне коркосунарбы?Силерда аралашкаесынар долянар барбы титиреп калтырап куноосуз кылып Казакстанда мыйзам иштейт Силердин мыйзамынар карапайым элге гана иштейт каматып жок кылганынарга!Озунорго иштебейт ХХХХ АК уйдон башталдыго ХХХХ

Комментарий калтыруу үчүн өз ысымыңыз менен кириңиз же каттоодон өтүңүз.