"ЖЭБдеги өндүрүштүк кырсык боюнча Осмонбек Артыкбаев жооп бериши керек" дейт Нурбек Токтакунов

"Кытай банкы менен насыялык келишим долбоорун ошол учурдагы энергетика министри Осмонбек Артыкбаев даярдаган, ошондуктан ал ЖЭБдеги өндүрүштүк кырсык боюнча жооп бериши керек", - деп 3-майда SUPER.KG порталына "Прецедент" коомдук уюмунун мүчөсү, укук коргоочу Нурбек Токтакунов билдирди.

Токтакуновдун айтымында, учурунда бардык иштер мыйзамдуу аткарылганда 386 миллион доллардын кандайдыр бир бөлүгүн жеп алуулар, ЖЭБдеги авария болмок эмес.

"Кытай банкы менен биздин мамлекететтин келишими боюнча мыйзам долбоорун Осмонбек Артыкбаев даярдаган. Ошол мыйзам долбооруна атайын коррупцияга каршы, экологиялык жана укуктук экспертизаларды жүргүзүш керек болчу. Ушундай экспертизаларды жүргүзүп, талкууга чыгарганда, азыркы кемчиликтер ошондо эле билинмек, бүгүнкүдөй кырсык, коррупциялык иштер болбойт эле. Конституциянын 52-беренесинде жарандар республикалык маанидеги мыйзам долбоорлорун талкуулоого укуктуу экени жазылып турат. Бирок андай болгон эмес. Бул мыйзам долбоорун даярдап жатканда маалымкат-негиздеме жазылат. Ал маалымкат-негиздемеге Артыкбаев "бул мыйзам долбоору боюнча эч кандай коррупцияга каршы, экологиялык, укуктук экспертиза кереги жок" деп жазып, кол койгон.

Мен ушул маселе боюнча Башкы прокуратурага бир жума мурун арыз жазгам. Мыйзам боюнча, 10 күндүн ичинде жооп бериши керек. Арыз жазуумдун эң негизиги себеби маалымкат-негиздемени Артыкбаев даярдап кол койгон, ошол колу үчүн жооп берсин", - деди Токтакунов.

Ал эми Осмонбек Артыкбаевге байланышканыбызда убактысы тар болуп жатканын айтып, кийинчерээк жооп бере турганын билдирди.

Эске салсак, 2017-жылы кытайлык ТВЕА компаниясы Кытайдан насыя катары алынган 386 миллион долларга Бишкек жылуулук электр борборунда оңдоо иштерин жүргүзгөн. Ушул жылдын 26-январь күнү Бишкек ЖЭБинде авария болуп, шаардагы үйлөргө берилген жылуулук 7 күнгө төмөндөгөн.

Автор: Бекболсун Молдояр уулу

07:33 04-05-2018

Жазылуу

Тектеш кабарлар:

Экс-премьер Бишкек ЖЭБ боюнча: "Авариянын жаңылоого тиешеси жок"

Депутаттар ЖЭБдеги авария боюнча парламенттик комиссия түзүүнү сунуштады

Парламентте ЖЭБди жаңылоо боюнча техникалык-экономикалык негиздеме кытай тилинен 7 жолу которулганы айтылды

ЖЭБ чыры: Асылбек Жээнбеков Исаков менен Сатыбалдиевдин аракеттери эркекчиликке жатпайт деди

Депутат Кожобек Рыспаев: "Бишкек ЖЭБи миллиондогон долларга долбоору жок жаңыланган"

Депутаттар Бишкек ЖЭБиндеги аварияда өздөрүндө да күнөө бар экенин моюндашты

Жогорку Кеңеш ЖЭБдеги аварияга байланыштуу өкмөттүн кышка даярдыгын "жетишерлик эмес" деп таап, күнөөлүүлөрдү жоопко тартуу боюнча токтомду карайт

Расул Умбеталиев, эксперт: "ЖЭБ боюнча комиссияда коррупцияга малынган депутаттар бар"

Депутат акыркы 4 жыл ичиндеги Жогорку Кеңеш ратификациялаган кредиттик келишимдерди териштирип чыгууну сунуштады

Депутат Масалиев Бишкек ЖЭБинин тажрыйбалуу кызматкерлерин жумуштан бошотпой турууну суранды

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (6)

Jelezo

2018-05-03 20:35:33

Суйлосо мындан акылдуу киши жоктой мыйзам бузса жооп бериши керек

toktor89

2018-05-03 21:28:57

сот,прокурорлордун баарын тыйынга сатып алган ошон учун кылмыш иши козголбойт да

toktor89

2018-05-03 21:30:00

мындайлардын байлыгын окмотко кайтарыш керек алап бериш керек

din_tomas

2018-05-03 21:40:23

Бул "аптекарыбыз" да оорукчан болбосо экен

jbolotov

2018-05-03 22:52:13

Ушундай чыккынчылардын кесепетинен мекенибиз коркунучта болуп атат, Кытайда кредит береберип аны талаптагыдай толой албайтургандай кылып долгосрочный арендага залогунарды бергиле деп ошонун эсебинен орто азияны басуу программасы бар экен. Ушундай болсо ушуга окщогодорду эл жазалаш керек!

Nurtilek001

2018-05-07 22:51:47

Ушуга окшогон акмактардын жегенин ашыгы мн ондуруп тышкы карыздан кутулгула, бул артыкбаев деген неме энергетика министри болуп турганда далайларды сол чонтокко урган, шадиев, артыкбаев, омуркулов, кулматов ж.б нака коррупционерлер, ушуларга окшогон коррупционерлерди сыксанар эле тышкы карыздан кутуласынар.

Комментарий калтыруу үчүн өз ысымыңыз менен кириңиз же каттоодон өтүңүз.