ЖЭБ чыры. "Электр станцияларынын" мурунку башчысы Салайдин Авазов тергөө иштери аяктаганга чейин абакта калтырылды

"Электр станциялары" ишканасынын мурунку жетекчиси, учурдагы Жалал-Абад шаарынын мэри Салайдин Авазов тергөө иштери аяктаганга чейин абакта калтырылды. Бул тууралуу бүгүн, 8-майда SUPER.KG порталына Улуттук коопсуздук мамлекеттик комитетинин басма сөз катчысы Рахат Сулайманов билдирди.

Сулаймановдун айтымында, Авазовдун жакындары шектүүнү үй камагына чыгаруу өтүнүчү менен сотко кайрылган. "Салайдин Авазовдун баш коргоо чарасы кечээ, 7-майда Бишкек шаардык сотунда каралды. Буга чейин Бишкектин Биринчи Май райондук соту "Авазов тергөө аяктаганга чейин абакта калсын" деген чечим чыгарган. Буга байланыштуу шектүүнүн жакындары үй камагына чыгаруу өтүнүчү менен шаардык сотко кайрылган. Ал эми шаардык сот кайрадан эле тергөө иштери аяктаганга чейин Авазовду УКМКнын тергөө абагында калтыруу чечимин кабыл алды", - деди Сулайманов.

Айта кетсек, 17-апрелде Жалал-Абад шаарынын мэри, "Электр станциялар" ишканасынын мурунку директору Салайдин Авазов жана анын мурдагы орун басары Жолдошбек Назаров Кылмыш-жаза кодексинин 303-беренесинин ("коррупция") 1-бөлүгү боюнча шектүү катары УКМК тарабынан кармалган.

Эске салсак, 26-январда Бишкек ЖЭБинде авария болуп, шаардагы үйлөргө берилген жылуулук 7 күнгө төмөндөгөн. Мындан улам бир жыл мурун Кытайдан алган 386 миллион доллар менен жаңыланган ЖЭБге карата сын-пикирлер күчөгөн.

Буга чейин УКМК тарабынан "Электр станциялары" ишканасынын башкы директору Узак Кыдырбаев, ушул эле мекеменин техникалык директору Алмаз Жусупбеков, ишкананын жетекчисинин мурдагы биринчи орун басары Бердибек Боркоев, "Электр станциялары" ишканасынын модернизациялоо тобунун жетекчиси Темирлан Бримкулов, "Улуттук энергохолдингдин" башчысы Айбек Калиевдер кармалгандыгы маалымдалган.

Автор: Бектур Токтоноев

12:51 08-05-2018

Жазылуу

Тектеш кабарлар:

ЖЭБ соту. Жактоочу: "Жантөрө Сатыбалдиевдин ден соолугунун начарлашына байланыштуу медициналык кароодон өткөрүү өтүнүчү келтирилди"

Бишкек ЖЭБди оңдоодо уурулук фактысы аныкталып, "Электр станциялары" ишканасынын жетекчисинин мурдагы орун басары кармалды

ЖЭБ соту: Жабырлануучу тарап болгон "Электр станциялары" жана Финансы министрлигинин өкүлдөрү суроолорго жооп бере албай, айыпталуучуларды нааразы кылышты

ЖЭБ соту: Сапар Исаков:"Энергетика тармагындагы коллапс апрель революциясына алып келген"

ЖЭБ соту. Жантөрө Сатыбалдиев ага коюлган айыптоолорго макул болгон жок

ЖЭБ соту. "Коррупция" боюнча айыпталган мурдагы 8 аткаминердин туугандары сот залына киргизилген жок

ЖЭБди модернизациялоо боюнча айыпталуучулардын сурагы соңуна чыкты. Кийинки отурум 14-ноябрда уланат

Камактагы Осмонбек Артыкбаев ооруканага жаткырылды

ЖЭБ соту: Сапар Исаков күбөлөр отурумга келбегендиги үчүн судьядан баш тартарын айтты

Сапар Исаков кыргыз элине кайрылып жатып сөзүн жыйынтыктай албай мукактанып токтоп калды

РУБРИКАДАГЫ СОҢКУ КАБАРЛАР

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 299 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1358 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 3082 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1314 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1264 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 2202 0

Архив

Комментарийлер (6)

Attila88

2018-05-08 13:01:07

мен бир гана нерсе айталам.ал киши жалалабат учун чон иш жасады.алкаш атасы байды ыраазы кылды,элди да ыраазы.

-5

Abdusamat.kg

2018-05-08 13:11:57

Attila88,эмне чоң иш кылды экен

romaantik

2018-05-08 14:17:41

Attila88,Мен да бир соц.тармактагы талкуудан бул киши ж.дө көп жакшы сөздөрдү угуп калдым эле. Эмнеси болсода адилеттүү чечим чыгарылсын. Айыбы жок болсо бошотулаар

-2

Tima0304

2018-05-08 13:29:45

Жеген болсо мыйзам чегинде жооп бериш керек

Jelezo

2018-05-08 17:22:33

Бирок бул киши таза болсо керек себеби Бакиевдин убагында сууну инилериң Өзбекстанга сатып жатыптыр деп айтып кирсе молодец жакшы эскертиң чара көрөм деп туруп бир жумадан кийин өзүн кызматтан алып койгон экен

keba300989

2018-05-10 10:44:19

Авазов жакшы иштеген киши

Комментарий калтыруу үчүн өз ысымыңыз менен кириңиз же каттоодон өтүңүз.