Милиция бөлүмүндө бычакталып каза болгон Бурулайдын атасы: "Мен ички иштер министрине жолугуудан баш тарткан эмесмин"

Ички иштер министри Кашкар Жунушалиев маалымат жыйынында Бурулайдын атасы жолугушууга келбей койгондугун билдирген. Бул тууралуу пикирин билүү үчүн Бурулайдын атасы Турдали Кожоналиевге кайрылганыбызда, ал SUPER.KG порталына төмөндөгүлөрдү билдирди.

"Кашкар Жунушалиевдин айткан кептери туура эмес. Мен баш тарткан эмесмин. Жолугушуу белгиленген күнү жактоочуларымдын бошобой калганына байланыштуу башка күнгө жылдыруусун сурангам. Алар макул болуп, башка күнү чакырарын айтышкан. Ошондон бери кабар жок. Эгерде азыр чакырса деле барып, арыз-муңумду айтууга даярмын", - деди Турдали Кожоналиев.

Окуянын чоо-жайына кайрылсак: Ушул жылдын 27-май күнү Бишкек шаарында жигит кызды ала качып бара жаткандыгы боюнча милицияга маалымат түшкөн. Көп узабай жигит менен кыз бара жаткан унаа Сосновка айылындагы посттон токтотулуп, Жайыл райондук ички иштер бөлүмүнө жеткирилген.

Милиция бөлүмүндө жигит кызга, андан соң өзүнө бычак сайып, оор абалда экөө тең ооруканага жеткирилген. Кыз алган жаракатынан улам көз жумган. Каза болгон кыз 20 жаштагы Бурулай Турдали кызы, ал эми жигит 29 жаштагы Марс Бөдөшов экендиги анык болгон. Бурулай Турдали кызы борбор шаардагы медициналык окуу жайлардын биринде окуй тургандыгын жана ушул жылдын август айында Марс Бөдөшовго эмес, башка жигитке турмушка чыгууга даярданып жатканын жакындары айтып беришкен.

4-июнда Бурулайдын өлүмү боюнча 23 милиция кызматкерине чара көрүлүп, анын катарында Чүй ОИИББинин башчысы Нурлан Сарчаев кызматтан алынган. Жайыл райондук прокуратурасы Кылмыш-жаза кодексинин 316-беренеси (шалаакылык) боюнча Жайыл РИИБинин кызматкерлерине кылмыш ишин козгогон. Милиция кызматкерлерине карата козголгон кылмыш иши дагы Жайыл райондук сотунан облустук сотко өткөрүлүп берилген.

Автор: Бекболот Сарыбаев
Фото: Бекболот Сарыбаев

20:12 24-10-2018

Жазылуу

Тектеш кабарлар:

"Бурулайдын өлүмү кыз-келиндердин кордолушунун акыркысы болсун". Бишкекте кыз-келиндердин кордолушуна каршы митинг өтөт

Бурулайдын өлүмү боюнча соттук отурум: Мечиттин имамы адам тарабынан кыйналып өлтүрүлгөн маркумдун денеси жуулбай көмүлөрүн айткан

Министрлик: "Каза болгон Бурулайдын денесиндеги жазууларга окшош тактар - бул дефибриллятор аппаратынын издери"

Бурулайдын өлүмү боюнча соттук отурум: Марс Бөдөшов "Бурулайга бычак сайган эмесмин" дейт

Бурулайдын өлүмү боюнча милиция кызматкерлеринин соттук отуруму башталды

Милиция бөлүмүндө Бурулай Турдали кызын өлтүрдү деп шектелген Марс аттуу жарандын апасы окуя боюнча пикирин билдирди

Бурулайдын өлүмү боюнча милиция кызматкерлеринин соттук отуруму. Судья чечим чыгаруу үчүн кеңешүүчү бөлмөгө кирип кетти

Милиция бөлүмүндө бычакталган Бурулайдын элесине арналган кыска метраждуу тасма жарык көрдү

Бийлик милиция бөлүмүндө бычакталып каза болгон Бурулайдын өлүмүнө бир аптадан соң үн катты

Соттук отурумда Жайыл РИИБинин тергөөчүсү Бурулай Турдали кызы ички иштер бөлүмүнө бут кийимсиз келгенин айтты

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 865 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 565 0

16:22 2025-05-09 | Супер-Инфо

Геморрой жана анын түрлөрү 595 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1859 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 688 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1243 0

Архив

Комментарийлер (9)

ma2as

2018-10-24 21:42:20

Болду кылышса жакшы болмок . Тыч койбойсунарбы эми маркум кызды . Атасы да куулонуп алдынызго .

Nuri1988Elim2010

2018-10-24 22:03:32

Ата энесине кыйын болду.Баланын куйуту жаман.
Мунун артында бир сыр бардайго.Кантип эле ИИСУС ичинде ошондой окуя болмок.

Nuri1988Elim2010

2018-10-24 22:09:34

Nuri1988Elim2010,ИИМ

Nuri1988Elim2010

2018-10-24 22:14:12

ma2as,Байкуш атасы куйутуно чыдабай жататда.Кандай оор баласын жоготуу.
Эмне кылышын билбей,куйуттун азабы менен эмне кылганын деле тушунбой журсо керек.
Сабыр.Бир гана кудайга салып коюшсун Эми.Уже иш жабылып буткон.
Жигити олтургондой эмес.Ачык эле билинип туратго,Туздон-туз ИИМ кызматкерлери эле куноолудой.Ойго сыйбаган иш.Башка бир ишканда болду десе эл ишенмек.Кантип ИИМ ичинде болсун.

JaneEr

2018-10-24 23:07:29

ma2as,Атасы чындык учун курошуп жатат болгону.

Nuri1988Elim2010

2018-10-24 22:01:47

Ата энесине кыйын болду.Баланын

Take_men

2018-10-24 23:08:37

Эмнеге бул иш аягына чыкпай атат?

qwert12345

2018-10-24 23:28:07

атасы баш тартты деп ышкыртышыптырго

Baku88

2018-10-25 12:18:17

Атасынын куйутко чыдабай акыйкат үчүн күрөшүп жатат деп ойлоп жүргөндө кызынын кунун сурай коюп жаман болду чындап акыйкат үчүн курошсо баланын күнөөсү далилденип камалсын болду деп ишти токтотсо болмок улам улам эле чукулай бербей

Комментарий калтыруу үчүн өз ысымыңыз менен кириңиз же каттоодон өтүңүз.