Астротөлгө: 16-январда төрөлгөн адамдар жогорку интеллекттин жана туюмдун ээлери болушабы?

Бул күнү төрөлгөндөр карьерасын жолго коюп, ошонун аркасынан байып жана ийгиликтүү адам болууну кыялданышат. Мындай кыялга жетүү үчүн сапаттары да талаптагыдай, мисалы, жоопкерчиликтүү, оор басырыктуу, ошону менен катар акылман жана эркиндикти сүйүшөт. Башкаларды ынандыра алчу чечендиги да бар, бирок аны колдоно беришпейт.

Дал ушул күнү төрөлгөндөр жогорку интеллекттин жана туюмдун ээлери. Бул адамдар туюмуна ишенип иш кылса да жеңишке жете алышат. Мындай өзгөчөлүк текечерлердин ичинен ушул күнү төрөлгөн адамдарга гана берилген.

Сүйүү жана достук мамилесине келгенде көбүнчө өзүмчүл болушат. Ошондуктан түгөй тандоо жана үй-бүлөлүк жашоо куруу маселе жаратышы мүмкүн. Эгер издегенин тапса бактылуу бүлө кура алышат.

16-январда төрөлгөн мырзалар тамашакөй, тазалыкты сүйүшөт жана таразадай так болушат. Ийгиликке жетишкен белгилүү мырзалардын катарында жазуучу Бексултан Жакиев, америкалык мушкер Рой Жонс, Кубанын башкаруучусу Фульхенсио Батиста бар.

Ал эми бул күнү төрөлгөн айымдар чыныгы ледилердин катарын толукташат: сарамжал, өзүнө ишенген, тыкан. Атактуу айымдар бразилиялык актриса Даниела Эскобар, англиялык фотомодель Кейт Мосс да ушул күнү төрөлгөн.

Автор: Асел Ишенбай кызы