"Азиз Батукаевди Жаныш Бакиев менен алмаштырышмак". Атаханов менен Атамбаевдин беттештирүүсүнүн протоколу интернетке жарыяланды

Тектеш кабарлар: Азиз Батукаев боюнча соттук иш (83 материал)

Интернетте экс-вице-премьер-министр Шамиль Атаханов менен мурдагы президент Алмазбек Атамбаевдин беттештирүүсүнүн протоколу тарады. Ал документте 2019-жылдын 21-августунда болгону жазылган.

Беттештирүүнү ИИМдин Тергөө башкармалыгынын жетекчиси Э.Аширходжаев жүргүзгөн. Беттештирүүдө Алмазбек Атамбаев бир дагы суроого жооп берген эмес.

Атахановго Кыргыз өлкөсүнө Рамзан Кадыровдун жакындарынын бири Мамлекеттик Думанын депутаты Адам Делимханов жеке учагы менен келип, Батукаев айыккыс дарт менен ооруп жаткандыгын жана мыйзам боюнча бошотулуп Чеченстанга экстрадициялоо мүмкүн экендигин айткан. "Сүйлөшүүдө эгерде Жаныш Бакиевди Кыргыз өлкөсүнө алып келинсе, анда бул маселени карап көрүүгө болот", - деп айткан Атаханов.

Бул боюнча Делимханов дароо макулдугун берген эмес. Кийинчерээк бул иш мүмкүн экендигин билдирген. "Бул боюнча Атамбаевге билдирип, Батукаев тууралуу, анын криминалдык таасири тууралуу айтып бергем. Бирок анын оорусу түрмөдөн чыгара тургандай оору эмес болчу. Аны түрмөдөн бошотуу үчүн УКМК тарабынан атайын операция уюштурулган", - дейт Атаханов.

"Кийин Атамбаев эки тараптын макулдашуусу менен Батукаев менен Жаныш Бакиевди алмашуусун тапшырган. Атаханов УКМКнын жетекчилик кызматынан бошогондон кийин дагы бул операцияны карап турган. Чеченстан тарап Жаныш Бакиевди экстрадиция кылууну ишке ашырган эмес, анткени бул маалыматты Бакиев билип калып, БАЭге качып кеткенге үлгүргөн", - деген Атаханов.

Беттештирүүнүн протоколуна Алмазбек Атамбаевдин жактоочулары Сергей Слесарев жана Замир Жоошев, Атахановдун жана анын жактоочусу Султан Баратов кол коюшкан. Атамбаев бул протоколго кол койгон эмес.

РУБРИКАДАГЫ СОҢКУ КАБАРЛАР
Архив
Комментарийлер (6)
Alia82
2019-11-21 19:38:34
Аай байкуш алданып калган экен да АША, не дешти деле билбейсин...
+5
Absamat-90
2019-11-21 20:19:25
Калп эле Бакиевтерди кошо бербесин, эми жоопкерчиликтен качуу учун ушул эле калды эле ойлоп таппаган. Дагы эмне деп элдин башын айландырат
-3
Absamat-90
2019-11-21 20:24:04
Эл арасында айтылып журот Батукаевди бошотууга 115 млн алган Атамбаев деп, 2 млн башка участниктерге болуп берип, 113млн озу алып алган деп. Бакиевди кошпой эле койсун
-3
Alimbek1000
2019-11-21 20:47:21
АШАнын амалкөй дегенине ишенчуу эмес элем эми точно ишендим. Бул АША актанганды ордуна коет экен чиркин.
0
Alimbek1000
2019-11-21 20:54:13
АШАкем калпты ышкыртыптыр го чиркин
-3
Fara2525
2019-11-22 10:29:36
Туура эле ойлоулуптуп Канкорду алып келип турмого тыгыш керек эле. Атамбаев эмес ошол Жаныш канкор отуруш керек болчу турмодо. А азыркы заман саткындардын заманы болду
-3
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан