Ухан шаарына пландалган бокс боюнча олимпиадага тандап алуу оюндары Иорданияга жылдырылды

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бокс боюнча "Токио 2020" жайкы олимпиада оюндарына тандап алуу оюндары Иорданиянын борбору Амман шаарында 3-11-март күндөрү өтөт. Бул тууралуу эл аралык Олимпиада комитетине таянып чет элдик маалымат булактары жазып чыгышты.

Буга чейин бул Кытайдын азыркы коронавирус оорусунун очогу болгон Ухан шаарында 3-14-февраль күндөрү өтөрү маалымдалган. Вирус дүйнөгө коркунуч жаратып жаткандыгына байланыштуу эл аралык Олимпиада комитети турнирди башка өлкөдө өткөрүүнү карап жаткандыгын билдиришкен.

Маалыматка ылайык, турнирге башкы машыктыруучу Данияр Жусубалиевдин жетекчилиги астында Кыргыз өлкөсүнөн 7 спортчу катышат. Турнирде 13 салмак категориясында 63 жолдомо ойнотулмакчы.

Автор: Азат Бейшенбеков