Кыргыз өлкөсүнө 1 айга өзгөчө кырдаал киргизилди

Бүгүн, 21-март премьер-министр Мухаммедкалый Абылгазиев Кыргыз өлкөсүнө өзгөчө кырдаал киргизүү тууралуу чечимди кабыл алды. Бул тууралуу президенттик аппараттан билдиришти.

Жыйында премьер-министр Кыргыз Республикасынын Коргоо министрлигинин сунушуна ылайык, 22-марттан тартып бир айга өлкөгө өзгөчө кырдаал киргизерин билдирди. Анда өзгөчө кырдаал режими киргизилгенде тартылган бардык мамлекеттик органдардын иш-аракеттеринини тизмеси жана тартиби камтылган.

«Планда борбор шаарда жана облустарда блокпостторду жайгаштыруу тууралуу маалыматтар белгиленип, күнүмдүк керектөө товарларын жана дары-дармектерди жеткирүү маршруттары, өлкө ичинде аба каттамдарын ишке ашыруу, коомдук унаалардын, азык-түлүк дүкөндөрүнүн жана дарыканалардын иштөө тартиби аныкталган. Ар бир жетекчи режимди кынтыксыз аткарууга жана бардык тартылган кызматтардын үзгүлтүксүз ишин камсыздоого жеке жоопкерчиликти алат. Бул жергиликтүү өз алдынча башкаруу органдарынын башчыларына да, биринчи кезекте алардын калкты азык-түлүк менен камсыздоо боюнча ишине тийиштүү. Чет жактан товарларды ташуу боюнча бизде эч кандай маселе жок, ошондуктан жарандар эч жерде тигил же бул продуктунун жана дары-дармектин тартыштыгына кабылбашы керек», - деп баса белгиледи Мухаммедкалый Абылгазиев.

Ошондой эле ал өзгөчө көңүл Бишкек жана Ош шаарларына, андан сырткары коронавирус аныкталган аймактарга бурулуусу керектигин белгиледи.

Кеңешме учурунда бардык бейтаптарды кабыл алууга жетиштүү орундарды, 20 мүнөттүн ичинде жыйынтык чыгарган экспресс-тесттерди камсыздоо чараларын көрүү маселелери талкууланды.

Өзгөчө кырдаал деген эмне? Кыргыз өлкөсүнө өзгөчө кырдаал жарыяланса, жарандардын укуктары жана милдеттери кандай болот? Бул тууралуу "Жарандык коргонуу жөнүндө" мыйзамында жазылган.

Өзгөчө кырдаал - Кыргыз Республикасынын белгилүү бир аймагында адамдардын курман болуусу, адамдардын ден соолугуна же айлана-чөйрөгө зыян келүүсү, олуттуу материалдык чыгымдарга жана адамдардын жашоо шартынын бузулушуна алып келиши мүмкүн болгон же алып келген коркунучтуу жаратылыштык же техногендик кубулуштун, авариянын, катастрофанын, табигый же башка кырсыктын, заманбап кыйраткыч каражаттардын тийгизген таасирлеринин натыйжасында болуучу кырдаал.

Мыйзамга ылайык, президент жарандык коргонуунун башка маселелерин Коопсуздук кеңешинин кароосуна киргизип, чечимин бекитет.

Калктын жарандык коргонуу жагындагы укуктары, Жаран жарандык коргонуу жагында эмнелерге милдеттүү, Жарандык коргонуунун мамлекеттик системинин негизги милдеттери тууралуу окугуңуз, ушул шилтемени басып өтүңүз.

Автор: Гүлжамал Абылкасымова

17:32 21-03-2020

Жазылуу

Тектеш кабарлар:

Дүйнөлүк саламаттыкты сактоо уюму эл аралык каттамдардын ачылышын колдойт

Орусияда пандемия учурунда ичкиликтен каза болгон адамдардын саны көбөйдү

Коронавирус аныкталган сузактык тургундардын абалы тууралуу айтылды

"Биринчи бейтап каза болгондо сөөгүн жерге коюп келип ыйладык. Аябай оор болду". Ноокат аймактык оорукананын жугуштуу оорулар бөлүмүнүн жетекчиси менен маек

Коронавируска байланыштуу сынактар, мектеп олимпиадалары узак мөөнөткө жылдырылды

Өткөн суткада 100 адамдан коронавирус аныкталса, 146 бейтап илдеттен айыгып чыкты

Коронавирус Кыргыз өлкөсүндө. Бул боюнча 30-апрелдеги кабарлардын ток этерин окугуңуз келсе...

Дагы 125 медицина кызматкеринен коронавирус аныкталды

Криштиану Роналду: "Дүйнө жүзү татаал мезгилин башынан кечирүүдө"

Бороновдун бет капчан министрлер кабинети толук эмес курамда ант беришти (сүрөт, инфографика)

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (12)

Aroiz

2020-03-21 17:39:55

Аман-эсен ушул кыйынчылыктан кутулсак экен

+28

XAN-TORO

2020-03-21 17:57:07

Aroiz,оозуна май

+17

Hanbike9686

2020-03-21 18:19:01

Кудайдан болуп жакшы болуп кетсек экен...

+14

Benazir08

2020-03-21 19:36:00

Айланайын эл журт Ошто ун таппай койду бир акем 2000 болсо деле алат элем дейт саткан адам жок

momun74

2020-03-21 19:47:26

Benazir08,туура айтасыз кече кунуд ушундай абал башталган

kgul

2020-03-21 20:28:14

Ошто мэрдин кабарчысы билдируу таратты, ун албай калгандардын уйуно жеткизип беребиз деп, баасы 1300сом

ika8086

2020-03-21 20:35:40

kgul,сынап корбойсуздорбу ошо версияны.Чын эле жеткирип беришет бекен.ХБКдан ун комбинатынан сатып алса болот.

Saliman

2020-03-22 12:44:37

ika8086,чын эле жеткирип беришет биз алдык доставкасы менен 1400 сом болду

ShaKe11

2020-03-22 12:47:41

Жол качан ачылат экен.?

nazarnew

2020-03-22 13:07:51

Блин зб уже, дагы бир айбы карантин, скоро Кыргызстан мощный кризиске кабылат да, блин иштер токтобой эле, иштей бербейби. Масса элди токтотуп коюп эле. Надоел уже үйдө бекинип жата берип, лучше вирус жуктуруп тынчыган оң. Ачкадан өлгөндөн көрө. Запас да түгөнөт скоро. Кыргызстан өзүн Европа эсептейт окшойт да. Вот тажиктер баарын ачты го.

-3

elimekg20

2020-03-22 14:24:12

nazarnew,озун иштей бер анда сендей кенебестердин айынан вирус жуктургандар кобоюп жатат

Suiomseni

2020-03-22 14:27:31

nazarnew,жиндиго мобу

Комментарий калтыруу үчүн өз ысымыңыз менен кириңиз же каттоодон өтүңүз.