Казакстанда кармалган депутаттын айылдашы жана тууганы: "Дамирбек Асылбек уулунун туугандары Караколдо жашашат"

Дамирбек Асылбек уулунун айылдашы

Дамирбек Асылбек уулунун тууганы

"Дамирбек Асылбек уулу "Казакстандын жараны, Казакстанда төрөлүптүр" деп айтылып жатат, бирок ал жерде төрөлгөн киши кантип кичинекей кезинде бул жерде жүрмөк эле?" - деп 28-февралда SUPER.KG порталына Казакстанда кармалган депутаттын айылдашы Эрлан Маргозуев билдирди.

Анын айтымында, депутаттын туугандары Караколдо жашашат.

"Дамирбек Асылбек уулу Маман айылынан болот. Бирок шаарда чоңоюп, шаарда окуганын так билем", - деди Маргозуев.

Ал эми депутаттын тууганы Орозон Бекбоев Маман айылынын тургундары Дамирбек Асылбек уулу кыргыз экенин биле турганын айтты.

"Динарбектин (Дамирбек Асылбек уулу ред.) атасы Асылбек, Асылбектин атасы Сатылкан, Сатылкандын атасы Супатай, Супатайдын атасы Атай деген киши болгон. Атай деген менен менин чоң атам бир тууган болгон. Биз бир атадан тараган тууганбыз. Мурда Динарбекти Казакстандын атынан күрөшүп жүргөнүн укканбыз. Мүмкүн ошондо тренерлери тарабынан Казакстандын жараны деген паспорт алынып берилгендир", - деди Орозон Бекбоев.

Эске салсак, 19-февраль күнү Казакстандын Башкы прокуратурасы аталган өлкөнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү, бажыга байланыштуу тармагындагы укукка каршы ишмердүүлүктү токтотуу максатында атайын операция жүргүзүлгөнүн билдирген. Жыйынтыгында 35 шектүү адам кармалып, анын ичинде 3 Кыргыз жараны бар. Анын бири - Жогорку Кеңештин депутаты Дамирбек Асылбек уулу экендиги тастыкталган. Кармалгандар Кытайдан Казакстанга, ошондой эле Кытайдан Кыргыз мамлекети аркылуу Казакстанга көмүскө схемалар жана жасалма документтер менен товар киргизүүгө шектелип жатышат.

Казакстандын ЖМКлары бул өлкөнүн ИИМинин алдындагы Мамлекеттик тил жана маалымат департаментинин башчысы Алмас Садубаевге шилтеме берүү менен, бул депутат Казакстанда туулганын, жашы жеткенде Казакстан жарандыгын алып, ал паспорттун мөөнөтү бүткөндө Казакстандан жаӊы паспорт алганын жарыялашкан.

Казакстанда Кыргыз депутатынын айылдашы

Автор: Жылдыз Джускембаева
Фото: Жылдыз Джускембаева

16:41 28-02-2018

Жазылуу

Тектеш кабарлар:

Алматы шаардык соту экс-депутат Дамирбек Асылбек уулунун адвокатынын өтүнүчүн канааттандырган жок

Казакстанда депутат Дамирбек Асылбек уулу менен бирге кармалган эки Кыргыз жаранына айып тагылып, камакка алынды

Казакстанда соттолгон экс-депутат Дамирбек Асылбек уулу өлкөгө экстрадицияланды

Депутаттар "кесиптешибиз Дамирбек Асылбек уулун сотко чейин Казакстандан алып чыгышыбыз керек" дешти

Башкы прокуратура Жогорку Кеңештин депутатынын Казакстанда кармалышы боюнча суроо-талап жөнөттү

Интернетке Дамирбек Асылбек уулу Казакстандын атынан күрөшүп жүргөн видео жарыяланды

Казакстандын ИИМи: "Дамирбек Асылбек уулунун улуту казак"

Казакстанда Жогорку Кеңештин экс-депутаты Дамирбек Асылбек уулун 12 жылга эркинен ажыратуу суралды

Жогорку Кеңештеги тийиштүү комитеттин Алматыда кармалган депутат боюнча кандай иштерди жүргүзүп жатканы айтылды

Жогорку Сот: "Казакстанда соттолгон Дамирбек Асылбек уулу жалпы режимдеги колонияда жазасын өтөйт"

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 320 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 318 0

00:36 2025-05-16 | Түркүн дүйнө

Франция Иранды Эл аралык сотко берет 372 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 311 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 906 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 649 0

Архив

Комментарийлер (2)

Uli6886

2018-02-28 17:02:10

Эми Мал кайтарабы кой багабы кичинесинде не болсода.... Коррупция аткезчилик, мыйзамсыз иштерге арашканга Депутат катары моралдык укугу жок болчу жанагы Озбек авторитети Салим байбачча менен тушкон суроту деле бекеринен болбосо кк. Все равно илешкен жери барда

bayana1987

2018-02-28 17:14:50

Uli6886,cот чечим чыгармайынча илээшти баланча түкүнчө дегендин өзү туура эмес.

Комментарий калтыруу үчүн өз ысымыңыз менен кириңиз же каттоодон өтүңүз.