Батукаев боюнча сот отурумуна келген 77 жаштагы профессор Абдухалим Раимжанов ден соолугу начар экенин айтты

Бүгүн, 11-октябрда Бишкек шаарындагы Биринчи Май райондук сотуна профессор Абдухалим Раимжанов келди. Ал Азиз Батукаевдин камактан мыйзамсыз чыгарылгандыгы боюнча соттук отурумга чакыртылган. Сот отурумунан чыккандан кийин Раимжанов SUPER.KG'нин суроолоруна жооп берди.

Ал быйыл 77 жашка толгонун айтат. Учурда ден соолугу жакшы эместигине да токтолду.

"Мени сенин буйругуң менен Батукаевге ошондой диагноз коюшкан деп күнөөлөп жатышат. Бирок андай болгон эмес, ал учурда мен ооруп ооруканада жаткан элем. Менин эч кандай тиешем жок болсо да ишти жылдырып отурушуп ушул деңгээлге алып келишти. Мен окумуштуу адаммын, жашым 80ге таяп калды. Ушул нерселерден улам омурткама 4 жолу операция жасалды, 3 жолу микроинсульт алдым.

Мен ким буйрук берген деген суроого жооп бере албайм, себеби аны билбейм. Бул диагноз боюнча айтсам менин тиешем жок, бирок кандай болгондо да дарыгерлер буйрукту аткарышкан", - деди ал.

Окуянын чоо-жайы:

Мындан 6 жыл мурун Нарын шаардык соту кримтөбөл Азиз Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен.

Ушул жылдын апрель айында башкы прокурор Өткүрбек Жамшитов 2019-жылдын январь айынан тартып кримтөбөл Азиз Батукаевдин иши кайрадан карала баштаганын айткан.

Кримтөбөл Азиз Батукаевдин абактан бошотулушун кайра кароо иши боюнча бардык кабарларды ушул шилтемеден окуй аласыз.

Алмазбек Атамбаев Батукаевдин иши боюнча соттук отурумга келүүдөн баш тартты
Тектеш кабарлар:
РУБРИКАДАГЫ СОҢКУ КАБАРЛАР
Архив
Комментарийлер (4)
elchi84
2019-10-11 14:51:16
Мындайда эми баары өлүмүш болуп чыга келет . Убагында акчаны алышкан.
+5
asman.81
2019-10-11 15:07:01
Ден соолугунар начар болсо пенсияга чыгып,отургула уйдо.Жаштарга орун бошотуп!
+7
altyn-kumush
2019-10-11 15:37:01
Буйрукту гана аткарат дегени эмнеси Батукаевдин иши боюча ар бир тиешеси бар адам жооп берүүгө милдеттүү.
+4
talaa11
2019-10-11 22:21:43
Атамбаев буйрук берген биз буйрукту аткарганбыз деп айтпайсынбы ачык эле олумуш болбой
0
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан