Бүгүн, 29-ноябрда Бишкек шаарынын Биринчи май райондук сотунда мурдагы президент Алмазбек Атамбаевдин иши каралды. Соттук отурумга айыпталуучу Атамбаев биринчи жолу алып келинди. Жактоочуларынын айтымында, мурдагы президент конвой тарабынан мажбурланып алып келинген. Буга чейин Атамбаев соттук отурумга катышуудан баш тартканы маалым.
Ал 8-августта Кой-Таштагы үйүнөн УКМКнын тергөө абагына жеткирилгенден бери анын аймагынан сырткары чыга элек болчу.