"Кыска мөөнөттө коронавирус жуктуруп алгандар менен байланышта болгондорду издеп-табуу жана санын тактоо иштерин бүтүрүү керек" дейт өкмөт башчы

Бүгүн, 28-мартта премьер-министр Мухаммедкалый Абылгазиев медицина кызматкерлеринин бардык керектөөлөрүн камсыздоо зарылдыгын билдирди. Бул тууралуу өкмөттүн басма сөз кызматынан маалымат таратышты.

«Кайдыгер эмес жарандар жана медицина кызматкерлеринин туугандары тараптан даттануулар абдан көп. Дагы бир ирет эскерте кетейин, медицина мекемелеринин кызматкерлери посттордон тоскоолдуксуз өтүүгө тийиш. Алар ошондой эле бир жерден экинчи жакка жөө барбай, транспорт менен камсыздалышы керек. Медицина кызматкерлерин транспорт менен камсыз кылуу жоопкерчилиги, алардын кыймылынын маршруттарын түзүү ар бир медициналык мекеменин башкы дарыгерлерине жүктөлгөн. Бирок алар бул иштерди жасабаганын көрүп турабыз. Илдетти жуктуруп алгандарды дарылоо боюнча токтолсок, кыска мөөнөттө алар менен байланышта болгондорду издеп-табуу жана санын тактоо иштерин бүтүрүү керек. Алар вирустук инфекцияны таратышы мүмкүн деген тобокелдик бар», - деди премьер-министр.

Мухаммедкалый Абылгазиев өзгөчө абал режими учурунда мамлекеттик органдардын көпчүлүк кызматкерлери үйдөн иштөөгө өтүүсү керектигин эскертти. Муну менен катар алар коронавирус инфекциясынын мындан аркы жайылуусуна жол бербөө максатында гигиенаны катуу сактоого милдеттүү.

Автор: Азат Бейшенбеков

21:00 28-03-2020

Жазылуу

Тектеш кабарлар:

Республикалык штаб: "Кафе-ресторандар белгиленген тартипте иштөөгө тийиш"

"Медиктер үлгүрбөй жатышат". Өкмөт Саламаттыкты сактоо министрлигине Бишкек шаарынын "Тез жардам" кызматына дагы 20 бригаданы кошуу тапшырмасын берди

Башкы дарыгер: "Инфекциялык ооруканага күйөөсү Кытай жараны болгон үй-бүлө кайрылган"

Шопингди сагынгандар үчүн! 21-майдан тартып соода дүкөндөрү, кийим-кече саткан базарлар ачылат. Уруксат берилген ишмердүүлүктүн толук тизмеси

Өлкөгө коронавирусту аныктай турган жалпы 76 миң экспресс-тест келгени айтылды

Президент: "Жардам бересиңерби, ырдайсыңарбы, ыйлайсыңарбы аны коомчулукка жарыялабай эле иш жасагыла"

Ош облусу боюнча коменданттык сааттын талаптарын бузган 92 жаран кармалды (хронология)

"Ухан вирусу": Дүйнө жүзүндө коронавирус инфекциясы менен ооругандардын саны 6 миллион 600 миң 692ге жетти

"Ухан вирусу": Коронавирусту жуктургандардын саны 67 миңге жетти

Кылмыш жообуна тартылат! Кытайда коронавируска каршы дарылануудан баш тарткандар жазаланат

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (3)

Alimbek1000

2020-03-28 21:07:23

Туура антпесе жайылып кетет

Jaznura

2020-03-28 21:12:21

Байланышта болгондордун санын аныктоо жеңил эмес. Бирок алар аныкталса оорунун алдын алууга болот.

Aikaaaa

2020-03-29 06:29:00

Өзүлөрү деле өзүлөрүнүн коопсуздугу үчүн келишсе болмок. Билишет да контакт болгонун. Үй шартында деги дарылана алышпайт. Балким жуккан жок, кудай буюруп. Дагы канчасына жугузушпай. Деги кудай эле сактасын! Ылайым эле ушуну менен токтосо экен!

Комментарий калтыруу үчүн өз ысымыңыз менен кириңиз же каттоодон өтүңүз.