Жактоочу: "Прокуратура Текебаевдин ишиндеги жаңы жагдайларды кайра кароодон баш тартканы боюнча сотко кайрылдык"

Өмүрбек Текебаевдин ишиндеги жаңы жагдайларды кароодон баш тартканы үчүн анын жактоочулары сотко кайрылды. Бул тууралуу SUPER.KG порталына жактоочусу Таалайгүл Токтакунова билдирди.

"Биз бүгүн Өмүрбек Текебаевдин ишиндеги жаңы жагдайлар боюнча Башкы прокуратура кайра кароодон баш тартканы боюнча Октябрь райондук сотуна кайрылдык. Соттук териштирүү качан болору азырынча белгисиз", - деди Токтакунова.

Айта кетсек, 2018-жылдын 22-майында Өмүрбек Текебаевге козголгон кылмыш ишиндеги жаңы жагдайлардын ачылганы боюнча Башкы прокуратурага арыз тапшырылган. Башкы прокуратура арызды колдосо документтер Жогорку Сотко жиберилип, соттон колдоо тапса, иш биринчи инстанцияга кайтарылмак. Бирок 12-июнда жаңы жагдайлар боюнча документти Башкы прокуратура кароодон баш тарткан.

Эске салсак, былтыр жазда Өмүрбек Текебаев менен мурунку элчи Дүйшөнкул Чотоновго "Мегакомду" сатууга көмөктөшүү үчүн орусиялык ишкерден пара алган" деген жүйө менен кылмыш иши козголгон. 2017-жылы 16-августта Бишкек шаарынын Биринчи Май райондук соту Текебаев менен Чотоновду ар бирин 8 жылга эркинен ажыраткан. 2-октябрда Бишкек шаардык соту, 21-ноябрда Жогорку Сот райондук соттун өкүмүн күчүндө калтырган.

Автор: Бекболсун Молдояр уулу

07:33 21-06-2018

Жазылуу

Тектеш кабарлар:

Баш коргоо чарасы каралып жаткан Өмүрбек Текебаевдин соттук отурумуна тарапташтары гүл жана чепкен алып келишти

Жогорку Соттун чечими: Текебаевдин жана Чотоновдун соттук иши Биринчи Май райондук сотуна кайра кароого жөнөтүлдү

Текебаевди ырайым кылууну өтүнүп Жогорку Кеңештеги фракция жетекчилери менен Утурумдук Өкмөттүн төрайымы президентке кайрылышты

"Ата Мекен": "Текебаев өзү отурган камерага видеобайкоо орнотууга каршы. Ал онлайндагы видеобайкоо болгондуктан аны кимдер көрүп жатканы белгисиз"

Бүгүн Өмүрбек Текебаевди жүрөк оорусуна байланыштуу текшерүүдөн өткөрүү үчүн ооруканага алып барышат

Өмүрбек Текебаевдин ден соолугу тууралуу дарыгер эмне дейт?

Экс-депутат: "Өмүрбек Текебаевдин иши боюнча адилеттүү чечим чыгарына көзүм жетпей калды"

Өмүрбек Текебаев дарылануусун абакта улантат

Өмүрбек Текебаев өзүнө операция жасатууга макулдугун бере элек

Текебаев: "Мен 2 жыл 7 ай бир кишилик камерада жалгыз отурдум. Бирок бир күн дагы өзүмдү жалгыз сезген жокмун"

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1169 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 1034 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3664 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1171 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1848 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 759 0

Архив

Комментарийлер (2)

didu

2018-06-21 07:44:49

пара берген адамды бизде камабайбы

Spartak16

2018-06-21 09:06:31

Текебаевтин эркиндикке чыгышынан баары коркот. Себеби Текебаев жогоркулардын мыйзамсыз ишин башка бок курсактарга окшоп кайдыгер карап тура албайт. Жегичтердин кекиртегине сайылган тикенек болот.

Комментарий калтыруу үчүн өз ысымыңыз менен кириңиз же каттоодон өтүңүз.