Кубанычбек Кулматовдун адвокаты: "Тергөөнүн убактысын мынча узартууга укуктары жок"

Бүгүн, 10-декабрда Биринчи Май райондук сотунда экс-мэр Кубанычбек Кулматовдун баш коргоо чарасына байланыштуу соттук отурум өтмөк. Бирок тергөөчү келбей калганына байланыштуу сот башка күнгө жылды. Бул тууралуу SUPER.KG порталына анын жактоочусу Сергей Слесарев билдирди.

"Буга чейин мен Жогорку Соттун соттор коллегиясы тарабынан эреже бузууга жол берилгенин айтып чыккам. Тергөөнүн жана прокуратуранын жүргүзгөн иштерине байланыштуу даттануу менен сотко кайрылгам. Биринчи Май райондук соту Кубанычбек Кулматовду 31-декабрга чейин камакта калтыруу чечимин мыйзамсыз кабыл алган. Себеби буга башка иш боюнча дайындалган экспертизанын жыйынтыгы алынган. Тергөөнүн убактысын мынча узартууга укуктары жок. Бирок бүгүнкү соттук отурумга тергөөчү келбей койгонуна байланыштуу ишти караган судья отурумду 14-декабрга саат 15:00гө дайындады", - дейт Слесарев.

Окуянын чоо-жайы:

18-майда Кубанычбек Кулматовго карата "коррупция" беренеси боюнча кылмыш иши козголгон. Мунун алкагында ага 2014-жылы Бишкек шаарынын мэри болуп турган кезде Калыс-Ордо конушундагы мектеп жана бала бакчага бөлүнгөн акчаны мыйзамсыз колдонгон деген айып тагылган.

5-июнда ал УКМК тарабынан камакка алынган.

14-июнда ага карата дагы бир кылмыш иши козголуп, ал "документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, берүү же пайдалануу" жана "мамлекеттик чек арадан мыйзамсыз өтүү" беренелеринин негизинде ачылган. УКМК Кулматов Кыргыз жарандыгын мыйзамсыз алган деп маалымат тараткан. Кубанычбек Кулматов ушул күнгө чейин УКМКнын тергөө абагында кармалууда.

Автор: Мальвина Уметбекова
Фото: Мальвина Уметбекова

13:25 10-12-2018

Жазылуу

Тектеш кабарлар:

Кубанычбек Кулматов "Бийлик мага талап койду, мен аткарбайм дедим" деп УКМКга суракка кирип кетти

Кубанычбек Кулматовдун аялы: "Соттук отурумдар мыйзам бузуу менен өтүүдө"

Кулматовдун баш коргоо чарасы жабык эшик артында карала турган болду. Сот уланууда

Кубанычбек Кулматовдун камактагы мөөнөтү дагы бир айга узарды

Кубанычбек Кулматов камакта калды

Жогорку Сот Кубанычбек Кулматовду абакта калтырды

Бишкек шаардык соту экс-мэр Кубанычбек Кулматовду 28-сентябрга чейин камакта калтырды

Депутаттар Кубанычбек Кулматовго үй-бүлөсү менен жолугууга уруксат берилбей жатканын айтты

Сот Кубанычбек Кулматовду дагы бир айга камакка калтырды. Жактоочусу сот мыйзам бузганын айтууда

Эртең Кубанычбек Кулматовдун жарандыгы боюнча сот отуруму өтөт

РУБРИКАДАГЫ СОҢКУ КАБАРЛАР

18:57 2025-05-04 | Түркүн дүйнө

Путин мураскери жөнүндө дайыма ойлонорун айтты 31 0

18:15 2025-05-04 | Коом жана турмуш

"Биздин өлкөнүн маданиятына кызыгышат". Кытайда билим алып жаткан Бегимай менен маек 1525 0

17:55 2025-05-04 | Коом жана турмуш

ТИМ Орусияда каза болгон кыргызстандыктар тууралуу маалымат берди 556 0

17:06 2025-05-04 | Коом жана турмуш

Акындар ырдап, көк бөрү ойнотулуп... Ысык-Көлдө Чжаого кандай сый көрсөтүлдү? (видео) 402 0

16:36 2025-05-04 | Түркүн дүйнө

Си Цзиньпин Путиндин чакыруусу менен Орусияга барат 627 0

16:22 2025-05-04 | Коом жана турмуш

Чолпон-Атада президенттин катышуусунда жаңы түзүлгөн кеңештин жыйыны өттү 372 0

Архив

Комментарийлер (2)

Bazake

2018-12-10 13:55:58

Тергөө 1 жылга чейин жүрсө мыйзам жол берет. Өтө оор кылмыштарды кылдаттык менен кылгандар камалганда тергөө согулуп кетет. Кулматов да акылдуулук кылып ар бир кылмыш ишинде из жашырса керек. Аны документтер менен тастыктоо көп убакытты талап кылат. Андыктан тергөөнүн созулуп жатышы мыйзам ченемдүү эле көрүнүш,

Jaznura

2018-12-10 14:03:51

Ушундай мега коррупционердин чырмооктой чырмалган былыктарын тергоого убакыт жетпей атканда жактоочу эмне туш коруп атабы?

Комментарий калтыруу үчүн өз ысымыңыз менен кириңиз же каттоодон өтүңүз.