Батукаевдин иши боюнча Зарылбек Рысалиевдин кеңешчиси менен дарыгер кандай жазага тартылды? Соттун чечими

Бүгүн, 23-июнда Бишкек шаарынын Биринчи Май райондук сотунда кримтөбөл Азиз Батукаевдин камактан мыйзамсыз бошотулушу боюнча соттук процесс аягына чыкты.

Анда Жазаларды аткаруу боюнча мамлекеттик кызматынын төрагасынын мурдагы кеңешчиси Калыбек Качкыналиев 2 жылга эркинен ажыратылды. Бирок буга чейин анын камакта отурганын эсепке алуу менен жазасын өтөп бүттү деп таанылып, ал да сот залынан бошотулду.

Ал эми дарыгер жана Улуттук гематология борборунун мурдагы жетекчиси Абдухалим Раимжанов бул иште күнөөлүү деп табылып, бирок кылмыш жообуна тартуу мөөнөтү өтүп кеткендиктен, ага жаза чегерилбей, сот залынан бошотулду.

Буга чейинки соттук отурумда мамлекеттик айыптоочу Калыбек Качкыналиевди 13 жылга эркинен ажыратуу жана полковник наамынан ажыратууну, Абдухалим Раимжановду 13 жылга эркинен ажыратуу жана үй-мүлкүн конфискациялоону суранган.

Жалпысынан кримтөбөл Азиз Батукаевдин камактан мыйзамсыз бошотулушу боюнча 19 адам айыпталуучу катары каралган. 2019-жылдын август айына карата алардын 14ү үй камагына алынып, 4өө камакта кармалып, 1өө издөөгө жарыяланган эле.

Окуянын чоо-жайы:

Мындан 7 жыл мурун Нарын шаардык соту кримтөбөл Азиз Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен.

2019-жылдын апрель айында башкы прокурор Өткүрбек Жамшитов 2019-жылдын январь айынан тартып кримтөбөл Азиз Батукаевдин иши кайрадан карала баштаганын айткан.

Кримтөбөл Азиз Батукаевдин абактан бошотулушун кайра кароо иши боюнча бардык кабарларды ушул шилтемеден окуй аласыз.

Батукаевдин иши: Алмазбек Атамбаев 11 жыл 2 айга эркинен ажыратылды

Автор: Гүлшат Ысамамат кызы

16:06 23-06-2020

Жазылуу

Тектеш кабарлар:

Кримтөбөл Батукаевдин иши боюнча соттук отурум. Аида Салянова, Зарылбек Рысалиев суракка алынды

Кримтөбөл Батукаевдин иши боюнча соттук отурумда мурдагы вице-премьер Шамиль Атаханов суракка алынды

Жактоочу: "Алмазбек Атамбаев "эгерде мени соттук отурумга күчтөп алып барышса, анда мен ачкачылык жарыялайм" деди"

УКМК: "Алмазбек Атамбаевдин ден соолугу күнү-түнү дарыгерлердин көзөмөлүндө турат"

"Жактоочу даяр эмес болгон". Кримтөбөл Азиз Батукаевдин иши боюнча отурум кайрадан жылдырылды

Прокурор: "Алмазбек Атамбаев соттук отурумду менсиз өткөргүлө деп өтүнүч катын жазса, ал каралмак, анын "мен катышпайм" дегени өтүнүчкө жатпайт"

Алмазбек Атамбаев келген жок. Батукаев боюнча соттук алдын ала уктуруу башкы фигурантсыз башталды

Батукаев боюнча соттук отурум өтөт делген залга журналисттер киргенде ал жакта эч ким жок болуп чыкты

Батукаевдин иши: Жактоочу: "Ушул эле факты боюнча өтүп жаткан дагы 14 шектүүнүн иши сотко өтө элек"

Кримтөбөл Батукаевдин иши боюнча соттук отурум жактоочулардын келбей калгандыгына байланыштуу жылдырылды

РУБРИКАДАГЫ СОҢКУ КАБАРЛАР

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 223 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 921 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 483 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 533 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1741 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 529 0

Архив

Комментарийлер (5)

tursunbaev2016

2020-06-23 17:44:46

Зарылбек Рысалиевти камаган жокпу?

taalay25

2020-06-23 20:53:37

tursunbaev2016,жок пидр кутулуп кетти. Салянова, Атаханов, Рысалиев глав фигурант болгон балтундар кутулуп кетишти

Azamat6

2020-06-23 18:55:09

Камайн десе соогундо тили жок екен

nazarmat92

2020-06-23 19:47:02

###### камасанар баарын камагыла да, бироонун мооноту отуп бироонуку калды дебей. Баары тен бир кылмышка шектелип жаткандан кийин баарынын жоопкерчиликке тартуу мооноту бир болот да

vikidiki

2020-06-23 22:47:35

Ошондо Батукаев сайрандап жүрөт эркиндикте. Анан буларды камап отура беришеби? Мунун баарын угуп ,боору эзилип күлүп отурат болуш керек ошол крим төбөл.

Комментарий калтыруу үчүн өз ысымыңыз менен кириңиз же каттоодон өтүңүз.