Жогорку Кеңештеги тийиштүү комитеттин Алматыда кармалган депутат боюнча кандай иштерди жүргүзүп жатканы айтылды

Бүгүн, 28-февралда Жогорку Кеңештин депутаты Акылбек Жамангулов ("Республика-Ата Журт") парламенттеги Эл аралык иштер, коргоо жана коопсуздук боюнча комитет Казакстанда кармалган Кыргыз депутаты Дамирбек Асылбек уулу ("Кыргызстан") боюнча кандай иштерди жүргүзүп жатканын айтып берди.

"Өткөн жумада Дамирбек Асылбек уулу боюнча маселе Жогорку Кеңештеги комитет жыйынында жабык эшик артында каралган. Бизге Тышкы иштер министрлиги, "Кыргызстан" фракциясынын лидери маалымат беришкен. Азыркы учурда аны экстрадициялоо маселеси ачык бойдон калууда. Анткени Казак тараптан расмий түрдө Дамирбек Асылбек уулу Казак жараны деген кат келип түшкөн. Учурда дипломатиялык деңгээлде сүйлөшүүлөр жүрүп жатат. Азыр комитет түздөн түз эч кандай иш алып барган жок. Үстүртөн маалыматтарды чогултуп жатабыз. Анткени иш козголгондон кийин башка өлкөнүн укук коргоо органдарынын ишине кийлигишүү эл аралык нормаларга жатпайт. Биз ушул жагдайды эске алуу менен, бул боюнча элчилик жана консулдук кызматтар иш алып барышы керек деген чечимге келдик", - деди Жамангулов.

Эл өкүлү акыркы учурда коомдун талкуусунан түшпөй жаткан Дамирбек Асылбек уулунун жарандыгы боюнча маалыматтар маселени татаалдатып жатканын айтты.

"Бул суроо өтө татаал болууда. Анткени бул жалгыз биздин жаран болгондо эл аралык нормалардын негизинде иш алып барсак болот эле. Ошол эле мезгилде анын Казак жарандыгы болгону маселени татаалдатып жатат. Азыр биз бардык сүйлөшүүлөрдүн жыйынтыгын күтүп жатабыз", - деди Жамангулов.

Акылбек Жамангулов парламенттеги Эл аралык иштер, коргоо жана коопсуздук боюнча комитеттин мүчөсү.

Эске салсак, 19-февраль күнү Казакстандын Башкы прокуратурасы аталган өлкөнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү, бажыга байланыштуу тармагындагы укукка каршы ишмердүүлүктү токтотуу максатында атайын операция жүргүзүлгөнүн билдирген. Жыйынтыгында 35 шектүү адам кармалып, анын ичинде 3 Кыргыз жараны бар. Анын бири - Жогорку Кеңештин депутаты Дамирбек Асылбек уулу экендиги тастыкталган. Кармалгандар Кытайдан Казакстанга, ошондой эле Кытайдан Кыргыз мамлекети аркылуу Казакстанга көмүскө схемалар жана жасалма документтер менен товар киргизүүгө шектелип жатышат.

Казакстандын ЖМКлары бул өлкөнүн ИИМинин алдындагы Мамлекеттик тил жана маалымат департаментинин башчысы Алмас Садубаевге шилтеме берүү менен бул депутат Казакстанда туулганын, жашы жеткенде Казакстан жарандыгын алып, ал паспорттун мөөнөтү бүткөндө Казакстандан жаӊы паспорт алганын жарыялашкан.

Автор: Мунарбек Жоргомов

14:10 28-02-2018

Жазылуу

Тектеш кабарлар:

Парламент комитетинде Казакстанда соттолгон Кыргыз мамлекетинин экс-депутаты тууралуу маселе көтөрүлдү

Казакстандын ИИМи: "Дамирбек Асылбек уулунун улуту казак"

"Дамирбек Асылбек уулу кыргыз, Ысык-Көлдүн кулуну" дейт санаалашы Балбак Түлөбаев

Башкы прокуратура Жогорку Кеңештин депутатынын Казакстанда кармалышы боюнча суроо-талап жөнөттү

Алматы шаардык соту Жогорку Кеңештин депутаты Дамирбек Асылбек уулун эки айга камакка алды

Кыргыз Республикасы менен Казакстандын тышкы иштер министрлери Кыргыз депутатынын кармалышын талкуулашты

Кыргыз депутаты Дамирбек Асылбек уулунун кармалышы боюнча кошумча маалыматтар белгилүү болду

"Кыргызстандын" лидери Алматыда кармалган депутат Казакстанга кандай себептер менен барганын айтып берди

Алматыда кармалган депутат Дамирбек Асылбек уулунун аты-жөнү 20 жыл мурун Динарбек Супатаев болгонун машыктыруучусу ырастады

Максат Сабиров: "Казакстанда кармалган депутат боюнча комитеттерде, фракцияларда каралып жатат"

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 636 0

00:36 2025-05-16 | Түркүн дүйнө

Франция Иранды Эл аралык сотко берет 509 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 413 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 1292 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 859 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 655 0

Архив

Комментарийлер (5)

kirgiz.....

2018-02-28 14:40:37

Жонокой карапайым адам болгондо эч бир депутат башын оорутпайт эле. Бул депутат куру доомат менен кармалса, аны бошотуу же экстрадациялоо жонундо аракет кылса болмок. Анын ордуна Орусиянын турмолорундо куноосуз отурган кыргызстандыктарды талкууласа жакшы болмок. Кыскасы, эл озу менен озу, бийлик озунчо башка коомдо жашагандай эле болуп калды.

bond02

2018-02-28 14:48:22

Супер Инфо ушул депутат жонундо жабык эшик артында жарыялагылачы.

-3

datkayimjan

2018-02-28 15:01:04

Ошодон нары жок болсо экен. Ушундай депутаттын барынан жогу.

altyn7776

2018-02-28 15:34:05

жабык эшик артында эмнени талкуулайсынар？ ордун кимге бериштиби？элден бекиткен эмненер бар озу？ откондо жоо жургондон уялган депутат да жабык эшик артында талкуулайлы деп уят болгон. Ошол эшигинер жабылып, ачылбай калса кана, атаганат...Канча миллиондогон каражат уномдолмок

aibars

2018-02-28 15:39:54

Казак жараны болсо, жон койгула каалаганын кылышсын. Омур бою мамлекеттик иштерге аралашпай турган кылгыла.
БШК оозун ачып журдубу? Ар бир талапкердин ийне жибине чейин изилдешип маалымат топтошпойбу, кийин таза кыргыз жараны болгондон кийин талапкерлигин корсотуп. Дагы жашкы кармалбаса журо бермек экенда ошол казактарга рахмат, чыныгы кылмышкердин бетин ачып беришти. Болбосо карапайым элдин салык тологон ачкасынан маяна алып журо бермек экен.

Комментарий калтыруу үчүн өз ысымыңыз менен кириңиз же каттоодон өтүңүз.