Казакстанда кармалган экс-депутат Дамирбек Асылбек уулун камакта калтыруу мөөнөтү узартылды

Казакстанда кармалган Жогорку Кеңештин мурдагы депутаты Дамирбек Асылбек уулун камакта калтыруу боюнча баш коргоо чарасы 15-августка чейин узартылды. Бул тууралуу казакстандык басылмалар жазып чыгышты.

Маалыматка ылайык, мындай чечимди Алматы шаардык соту чыгарган.

Эске салсак, 19-февраль күнү Казакстандын Башкы прокуратурасы аталган өлкөнүн чек арага жакын аймагында контрабанда менен шугулданган уюшкан кылмыштуу топторго каршы аракетти күчөтүү, бажыга байланыштуу тармагындагы укукка каршы ишмердүүлүктү токтотуу максатында атайын операция жүргүзүлгөнүн билдирген. Жыйынтыгында 35 шектүү адам кармалып, анын ичинде 3 Кыргыз жараны бар. Анын бири - Жогорку Кеңештин депутаты Дамирбек Асылбек уулу экендиги тастыкталган. Кармалгандар Кытайдан Казакстанга, ошондой эле Кытайдан Кыргыз мамлекети аркылуу Казакстанга көмүскө схемалар жана жасалма документтер менен товар киргизүүгө шектелип жатышат.

Казакстандын ЖМКлары бул өлкөнүн ИИМинин алдындагы Мамлекеттик тил жана маалымат департаментинин башчысы Алмас Садубаевге шилтеме берүү менен, бул депутат Казакстанда туулганын, жашы жеткенде Казакстан жарандыгын алып, ал паспорттун мөөнөтү бүткөндө Казакстандан жаӊы паспорт алганын жарыялашкан. Буга байланыштуу иликтөөлөрдүн натыйжасында Дамирбек Асылбек уулунун кош жарандуулугу аныкталып, 16-апрелде депутаттык мандатынан ажыратылган.

Автор: Жылдыз Джускембаева

12:35 24-07-2018

Жазылуу

Тектеш кабарлар:

Казакстан соту Кыргыздын экс-депутаты Дамирбек Асылбек уулунун камактагы мөөнөтүн узартты

Парламент комитетинде Казакстанда соттолгон Кыргыз мамлекетинин экс-депутаты тууралуу маселе көтөрүлдү

Депутаттын башка да жарандыгы бар болуп чыкса, эч кандай жоопкерчиликке тартылбайбы?

Казакстандын Тышкы иштер министрлиги Жогорку Кеңештин депутаты Дамирбек Асылбек уулунун кармалганын тастыктады

Башкы прокуратура Жогорку Кеңештин депутатынын Казакстанда кармалышы боюнча суроо-талап жөнөттү

Казакстанда соттолгон экс-депутат Дамирбек Асылбек уулу өлкөгө экстрадицияланды

"БШКга Дамирбек Асылбек уулунун Казакстандын жараны экенин тастыктаган расмий маалымат түшө элек" дейт Бекматов

Казакстанда кармалган депутат Дамирбек Асылбек уулунун апасы: "Балам батыраак келсе экен деп күтүп жатабыз"

Казакстанда кармалган депутаттын айылдашы жана тууганы: "Дамирбек Асылбек уулунун туугандары Караколдо жашашат"

Жогорку Кеңеш Алматыда кармалган депутат боюнча билдирүү жасады

РУБРИКАДАГЫ СОҢКУ КАБАРЛАР

13:29 2025-05-16 | Коом жана турмуш

Өлкөдө дем алыш күнү туруксуз аба ырайы күтүлөт 96 0

13:24 2025-05-16 | Супер-Инфо

“Эркектей эле болчу...” Же кыргыздар мырзаны кантип тарбиялашкан? 33 0

13:18 2025-05-16 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 1478 0

12:51 2025-05-16 | Коом жана турмуш

17-майга карата аба ырайы 179 0

12:19 2025-05-16 | Супер-Инфо

Клара Алибекова, ырчы: «Кайра жаралсам таптакыр башкача жашамакмын» 215 0

12:00 2025-05-16 | Коом жана турмуш

Садыр Жапаров курулуп баштаган тоо-лыжа курортуна инвесторлорду чакырды 421 0

Архив

Комментарийлер (2)

bekmirzach

2018-07-24 15:07:09

Казакстан билдирген бейрасмий маалыматтарга ишенсек, бул корруциялык схемадан эң биринчи кезекте А.Атамбаев, андан ары И.Илмиянов, А.Ибраимов жана экс-президенттин мурдагы жансакчылары чоң акчаларды жасап, “жашылбайларга” маарып келишиптир. Асылбек уулу мында жөн гана «пешканын» ролун аткарган дейт билгендер. Дамирбек Асылбек уулу биринчиден, Казакстандын жараны, экинчиден, депутат болгону үчүн бул ишке тартылган. Сыягы, парламенттин депутатынан шек санашпайт деп ойлошкон окшойт.

bekmirzach

2018-07-24 15:08:53

Комментарий калтыруу үчүн өз ысымыңыз менен кириңиз же каттоодон өтүңүз.