Нурлан Өмүркул уулу ЖЭБди жаңылоо үчүн алынган шаймандар боюнча мурда эмнеге үн катпай келгенин айтып берди

Бүгүн, 15-мартта маалымат жыйында Бишкек ЖЭБдин мурдагы директору Нурлан Өмүркул уулу ЖЭБди жаңылоо үчүн алынган буюмдар боюнча мурда эмнеге үн катпай келгенин айтып берди.

"Каражаттар маселесин "Электр станциялары" ишканасы чечет. Биз техникалык жагына жооп беребиз. Мурда катачылык жөнүндө айтпагынымдын себеби жетекчилик "модернизациялоо иштерине терс таасир берип, көлөкө түшүрөсүң" дегенинен унчукпай келгем. Каражаттардын колдонулушу боюнча документтерди мен жакында эле колума алдым. Мурда каражаттар кандай багытта колдонулганын билген эмесмин", - дейт Өмүркул уулу.

Айта кетсек, Нурлан Өмүркул уулу Бишкек ЖЭБин модернизациялоодо ЖЭБге алынган кычкачтын баасы 600 доллар деп көрсөтүлгөнүн айткан.

Эске салсак, Бишкек ЖЭБиндеги видеобайкоочу камералардын ар бирине 14 миң 500 доллардан жумшалганын Жогорку Кеңештин депутаты Акылбек Жамангулов билдирген. "Улуттук энергетикалык холдинг" ишканасы видеобайкоочу камералардын ар биринин баасы 14 миң 500 долларды түзөт деген маалымат туура эмес экенин кабарлаган. Ишкананын маалыматына караганда, ар бир видеобайкоочу камера 300 доллар турат, 128 камеранын жалпы баасы 38 миң 400 долларды түзөт.

26-январда кечки саат 6лар чамасында Бишкектеги Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин түшүп кеткен. Буга байланыштуу шаардагы үйлөргө берилген жылуулук төмөндөгөн. Орун алган мүчүлүштүктөрдөн улам Бишкектин тургундары 7 күнгө (январь айынан 5 күнгө, ал эми февраль айында 2 күнгө) акча төлөшпөгөнүн "Улуттук энергетикалык холдинг" компаниясынын басма сөз кызматынан кабарлашкан. Ошондой эле Башкы прокуратура ЖЭБдеги авария боюнча "шалаакылык" беренеси боюнча кылмыш ишин козгоп, ЖЭБдин башчысы Нурлан Өмүркул уулу кызматынан кеткен .

Автор: Бекболсун Молдояр уулу

13:17 15-03-2018

Жазылуу

Тектеш кабарлар:

ЖЭБдеги авария боюнча иликтөөнүн алдын ала жыйынтыгы жарыяланды

Парламентте ЖЭБди жаңылоо боюнча техникалык-экономикалык негиздеме кытай тилинен 7 жолу которулганы айтылды

"Бишкек ЖЭБдеги курулуш иштерин жүргүзүү үчүн 2017-жылы 684 миллион сом бөлүнгөн" дейт "Улуттук энергетикалык холдингдин" өкүлү

"Улуттук энергетикалык холдинг": "Айбек Калиевдин эжелери, карындашы ага түз баш ийбейт"

Депутат: "Убагында Атамбаевди мактап, ал кеткенден кийин тепкилеп жатканыбыз трагедия"

Депутаттар Бишкек ЖЭБге жумшалган 386 миллион долларлык келишимге кол койгон ошол кездеги өкмөт башчы, тийиштүү министрлер менен сүйлөшөт

Депутат Бокоев өкмөттөн Бишкек ЖЭБдеги кырдаал боюнча иликтөө иштери качан жыйынтыктала турганын сурады

Шыкмаматов: "ЖЭБге алынган акчанын 100 миллион долларын энергомафиянын 3 өкүлү жеп кеткен"

Айбек Калиев кызматтан кетүү боюнча арызды өкмөт башчыга кайсы учурда жазганын айтты

ЖЭБ чыры: Депутаттарга 600 долларлык кычкач көрсөтүлдү

РУБРИКАДАГЫ СОҢКУ КАБАРЛАР

12:47 2025-05-02 | Кылмыштар, кырсыктар

Бишкектин борборунда оюн-зоок унаа менен самокатчан жигит сүзүштү (фото) 106 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 187 0

11:24 2025-05-02 | Түркүн дүйнө

Израиль Дамасктагы президенттик сарайдын жанына сокку урду 575 0

10:57 2025-05-02 | Коом жана турмуш

АКШ депортациялаган 20 кыргызстандык жаран өлкөгө кайтып келди 631 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 1815 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 787 0

Архив

Комментарийлер (11)

Mazi1280

2018-03-15 13:20:55

Туштон кийин сасыбай,убагында айтпайсынбы элди ойлосон, мээн иштесе

-6

ruslanz

2018-03-15 13:27:16

Эми айтканына да рахмат.Мурда айтса эч ким ишенмек эмес, атугул жок да кылып коюшмак.Коркпой айтып жаткан азамат экен.

+12

jasgul

2018-03-15 13:53:33

ruslanz, бул эргулдун да тиешеси бар да. 20 мин долларга айлана чойрону жашылдандырды дегени калп. Эгер Бишкектиктер тонбогондо ооз басты, коз кысты болуп, жыргап гана иштеп журо бермек бул деле. Аппакмын деп туштон кийин актанбай эле койсунчу ай.

-5

Jelezo

2018-03-15 13:28:43

Белиз гейтти издеп кеткен Сегизбаев Бишкек гейтти билбей калган окшойт. 1млн.долларды тапкан 386млн.долларды издебей эле тапкыдай духу жетсе

+12

ruslanz

2018-03-15 13:30:49

136млн$ жешиптир,бул ото эле коп.бир эле обьектиден олко б-ча мындайлар канча.АШАнын учурунда корруп-я болуп корбогондой онукту.

Mystery

2018-03-15 18:01:17

ruslanz,жанылаганы учун эмес строительство тец ушундай болмок, элдин ырыскысын жегендер тукумунарга каргыш. 200млн жешти да

ruslanz

2018-03-15 13:36:41

Кыргыз элине убал болду, тентип чет олколордо жумуш издеп журушот.Сырттан алган 4млрд$-ды ондурушко салганда, ушул жерден эле уй-булоолорун бакпайт беле.

jbolotov

2018-03-15 17:48:22

Камалсын! Кантип эле ТЭЦтин начальниги техникалык жагына жооп берсе модернизация деп кандай тузулуштор канчадан келгенин билбей калсын? НЭСтеги жетекчилик менен биргелешип суйлошулуп иш кылынатда, же биротоло келесоо болгонбу?

bahabaike

2018-03-15 18:46:59

Соз жок. Эл душмандары эмне деген акча бул деген миллион?! Кудай жазанарды берсин!

maksatbekova

2018-03-15 23:12:00

Эми айтып чыкканы да эрдик. Жебеген самсага пул тологондой эле болуп жатат. Уюткусу бийликте отурат.

007aym

2018-03-16 10:49:58

Иштен ыргыгандан кийин айтып атат да.Антпесе кайдан, отурмак жегенине ыраазы болуп. Кызматтан тушкондон кийин тиги кошо жегендери орундарында калып калса ич куйдулук кылып айтып чыкты. Эмнеси азамат. дагы 7 тууганы ошол ТЕЦте иштейт экен. Кыргызстан ушундайлардын айынан артка кетип атат

Комментарий калтыруу үчүн өз ысымыңыз менен кириңиз же каттоодон өтүңүз.