Кыргыз-Орусия өнүктүрүү фонду өз дарегине жана Кубанычбек Кулматовго карата айтылган айыптоолорго жооп берди

Кыргыз-Орус өнүктүрүү фондунун учурдагы башчысы Эркин Асрандиев

"Кыргыз-Орусия өнүктүрүү фондунун мурдагы башчысы Кубанычбек Кулматов жана анын жардамчысы Эркин Асрандиев "Брид" компаниясынын канаттуулар фабрикасын мыйзамсыз тартып алышкан деген маалымат жалган". Бул тууралуу аталган фонддун учурдагы башчысы Эркин Асрандиев SUPER.KGʹге билдирди.

Ал өз сөзүндө айыптап жаткан тараптын бардык пикирин атайын документтердин негизинде жокко чыгара ала турганын айтты.

"Брид" компаниясы Кыргыз-Орусия өнүктүрүү фондунан насыя алууда канаттуулар фабрикасын 2 миллион 700 миң долларга күрөөгө койгон. 2016-жылдын аягында негизги суммасын төлөө мөөнөтү келгенде компания акчаны төлөй албай калган. Мындан улам фабрика биздин кызматкерлер тарабынан текшерүүгө алынган. Натыйжада насыя алуу учурунда көрсөтүлгөн документтеги абалы менен текшерүүдөгү абалы эки башка болуп чыккан.

Ошондон кийин компаниянын ээси Владимир Хегай менен жолугушуу өткөрүлгөн. Анда "Брид" компаниясы карызды төлөй албай жана канаттуулар ишканасын иштеткенге мүмкүнчүлүгү жетпей тургандыгы аныкталган. Мындан улам ишкананын ээсинин өз ыктыярынын негизинде мүлк фонддун карамагына өткөрүп берилсин деген жыйынтыкка токтолгонбуз.

Ошол учурда компаниянын карызы 2 миллион 800 миң доллардан ашык болчу. "Брид" компаниясынан ээси Владимир Хегайдын макулдугу менен ишкананы карыз болгон 2 миллион 800 миң долларга баалап, мыйзам чегинде нотариалдык жактан тастыкталып, мамлекеттик каттоодон өткөрүлүп, фонддун карамагына мыйзам чегинде ыйгарылган.

Компаниянын жактоочусу тарабынан менин жана Кубанычбек Кулматовдун дарегине айтылып жаткан айыптоосу негизсиз. "Брид" ишканасынын өнөктөштөрү жана жактоочусу биздин үстүбүздөн тиешелүү жактарга арыз менен кайрылып келишет. Кайрылгандардын арасында Владимир Хегай жок. Анткени ал өз ыктыяры менен ишкананы өткөрүп берген. Бирок жактоочу Хегайдын тил катын далил катары колдонуп келет", - деп жооп берди Асрандиев.

Бүгүн, 27-августта "Брид" компаниясынын өнөктөштөрү жана жактоочусу маалымат жыйын өткөргөн. Алар Кыргыз-Орусия өнүктүрүү фондунун мурдагы башчысы Кубанычбек Кулматов жана жардамчысы Эркин Асрандиев компанияга караштуу канаттуулар фабрикасын мыйзамсыз тартып алышканын айтышкан.

Автор: Сталбек Абдижалил уулу

19:25 27-08-2018

Жазылуу

Тектеш кабарлар:

4 сааттан кийин сурактан чыккан Кубанычбек Кулматов: "Эмне үчүн суракка чакырып жатышканы мага түшүнүксүз"

Кубанычбек Кулматов ТВЕА компаниясы берген акчага салынган мектеп боюнча УКМКга сурак берип чыкты

Кубанычбек Кулматов "Бийлик мага талап койду, мен аткарбайм дедим" деп УКМКга суракка кирип кетти

Кубанычбек Кулматов камакка алынды

Укук коргоочу Токтайым Үмөталиева: "Кулматовду абакта калтыруу соттордун бийликтен келген тапшырманы аткарып жатканын далилдейт"

Депутаттар Кубанычбек Кулматовго үй-бүлөсү менен жолугууга уруксат берилбей жатканын айтты

Кубанычбек Кулматов Жаңы жылга чейин камакта кала турган болду

Кубанычбек Кулматовго алдамчылык боюнча дагы кылмыш иши козголушу мүмкүн

Кубанычбек Кулматовдун аялы: "Соттук отурумдар мыйзам бузуу менен өтүүдө"

Сот Кубанычбек Кулматовду дагы бир айга камакка калтырды. Жактоочусу сот мыйзам бузганын айтууда

РУБРИКАДАГЫ СОҢКУ КАБАРЛАР

20:25 2025-05-04 | Спорт

"3000 катышуучу…" Чолпон-Атадагы марафондун жеңүүчүлөрү аныкталды (тизме) 375 0

19:35 2025-05-04 | Коом жана турмуш

Вьетнамдан Бишкекке келе жаткан учак Индияга конууга аргасыз болду 979 0

18:57 2025-05-04 | Түркүн дүйнө

Путин мураскери жөнүндө дайыма ойлонорун айтты 1485 0

18:15 2025-05-04 | Коом жана турмуш

"Биздин өлкөнүн маданиятына кызыгышат". Кытайда билим алып жаткан Бегимай менен маек 1775 0

17:55 2025-05-04 | Коом жана турмуш

ТИМ Орусияда каза болгон кыргызстандыктар тууралуу маалымат берди 1919 0

17:06 2025-05-04 | Коом жана турмуш

Акындар ырдап, көк бөрү ойнотулуп... Ысык-Көлдө Чжаого кандай сый көрсөтүлдү? (видео) 941 0

Архив

Комментарийлер (2)

Kyrgyz_bloger

2018-08-27 20:04:49

Бул фонд болбогон эле нерсе бир эле адамга эки миллион доллар бербей коп адамдарга 200 мин сомдон берсенер миндеген адамдар бутуна турмак дагы кыргыз орус онуктуруу дейт силерден акча алып байыган карапайым эл жок го дейм

Erik2018

2018-08-27 20:08:35

Кулматов бул фонддо иштейби иштебейби беш колун салып, жеп ичкенин элдин баары билет. Мамлекетти тоногону үчун керт башы менен жооп берсин.

-1

Комментарий калтыруу үчүн өз ысымыңыз менен кириңиз же каттоодон өтүңүз.