"Коопсуз шаар" долбоорунан түшкөн айып пулдар кайсы мекемелерге канча пайыздан бөлүнөт?

"Коопсуз шаар" долбоорунун алкагында жол эрежелерин бузуулар үчүн эсептелген айып пулдарды белгилөө жана пайдалануу тартиби бекитилди. Тиешелүү токтомго премьер-министр Мухаммедкалый Абылгазиев кол койгонун өкмөттүк аппараттан кабарлашты.

Маалым болгондой, Каржы министрлигинде Жол кыймылынын коопсуздугун камсыздоо башкы башкармалыгынын аппараттык-программалык комплекси аркылуу аныкталган жол эрежелерин бузуулар үчүн айып пулдарды топтоо боюнча эсеп ачылды.

Түшкөн каражаттарды каттоо автоматтык режимде "Коопсуз шаар" маалыматтык тутуму аркылуу ишке ашырылмакчы.

Каржы министрлиги тиешелүү каражаттарды төмөнкүлөргө биринчи кезекте бөлүүнү ишке ашырат:

- Сынактын жыйынтыгы боюнча түзүлгөн келишимге ылайык, жалданма компаниялар менен төлөнгөн айып пулдар үчүн эсептешүүгө Маалыматтык технологиялар жана байланыш комитетине, ошондой эле техникалык операторлорго техникалык коштоо жана "Коопсуз шаар" автоматташтырылган маалыматтык тутумунун колдоосу үчүн, Жол кыймылынын коопсуздугун камсыздоо башкы башкармалыгынын токтомдорду унаа ээлерине жеткирүү үчүн почта кызматтарына.

Жогоруда белгиленген каражаттар бөлүштүрүлгөндөн кийин калган айып пулдар суммасы төмөнкүдөй бөлүштүрүлөт:

- 5 пайызы - УКМКга маалыматтарды иштеп чыгуу резервдик борборун түзүү, жаңылоо жана камсыз кылууга;

- 15 пайызы - Мониторинг борборунун күнүмдүк камсыз кылуу жана башкаруу процесстерин өркүндөтүү, жол кыймылынын эрежелерин бузуулар үчүн айып пулдарды жыйноону жакшыртуу жана аппараттык-программалык комплекс аркылуу аныкталган унааларды колдонуу үчүн.

Андан соң акча каражаттары жол инфраструктурасынын элементтерин тийиштүү абалга келтирүүгө байланыштуу чыгымдар үчүн унаа жолдорунун балансын кармоочулар ортосунда бөлүштүрүлөт:

- 25 пайызы өз алдынча башкаруу органдарына;

- 5 пайызы Транспорт жана жолдор министрлигине.

Түшкөн каражаттардын, анын ичинде көчмө аппараттык-программалык комплекси менен аныктоодон жыйналган каражаттардын калдыгы бюджет жөнүндө, "Коопсуз шаар" долбоорун ишке ашыруу чечимине ылайык бөлүштүрүлөт.

12-февралда "Коопсуз шаар" долбоору ишке кирген. Анын алкагында шаар көчөлөрүндөгү 10 кесилишке коюлган камералар 7 эреже бузууну каттап баштаган. Анда эреже бузган айдоочу 1 миң сомдон 23 миң сомго чейин айыпка жыгылат.

Автор: Жамалидин Парманкулов
Фото: Жамалидин Парманкулов

20:26 21-02-2019

Жазылуу

Тектеш кабарлар:

"Коопсуз шаардын" атып сындырылган камерасы боюнча жаңы маалыматтар белгилүү болду

Өкмөттө "Коопсуз шаар" долбоорун ишке киргизүүгө даярдыктар боюнча кеңешме өттү

"Чүй облусунда бир күндө миңге жакын жол эрежеси бузулат" дейт ички иштер министринин орун басары

Бишкекте жол тыгындарды жөнгө салуу үчүн кошумча жол чырак жана белгилер орнотулат

Жол эрежесин бузган айдоочуларга айып пул 4-марттан тарта салына баштайт

Жол эрежесин бузуп камерага түшүп калган айдоочуларга почта аркылуу айып пулдар жибериле баштады (видео)

Жогорку Кеңештин тармактык комитетинде "Коопсуз шаар" долбоорунун алкагында 24 саат иштей турган чалуу борборун ачуу сунушталды

“Коопсуз шаардын” биринчи күнү. Акчасын асманга сапырган айдоочулар (сүрөт)

"Коопсуз шаар" эртең ишке кирет. Айып пулдун токтому эреже бузган айдоочунун үйүнө жеткирилет

Бишкекте эреже бузган айдоочуларга салынган айып пулдун жалпы көлөмү тактала элек

РУБРИКАДАГЫ СОҢКУ КАБАРЛАР

15:33 2025-05-24 | Кылмыштар, кырсыктар

"Кой-кой дегенде койгон жакшы". Ошто жаратылышка бара жаткан окуучулар артка кайтарылды 234 0

14:46 2025-05-24 | Коом жана турмуш

Нарында кечээ кайталанган шамал үйлөрдүн чатырларын учурду 212 0

14:25 2025-05-24 | Кылмыштар, кырсыктар

Кара-Сууда күчтүү таасир этүүчү дарыларды сатып жүргөн 3 эркек, 2 аял кармалды (видео) 533 0

14:02 2025-05-24 | Түркүн дүйнө

Париж соту Ким Кардашьянды тоногон кылмыштуу топтун мүчөлөрүнө өкүм чыгарды 641 0

13:46 2025-05-24 | Түркүн дүйнө

Гамбургда аялдын бычак менен кол салуусунан улам 17 киши жарадар болду 409 0

13:11 2025-05-24 | Түркүн дүйнө

Белгилүү түрк актёру Халит Эргенч шарттуу түрдө 1 жыл 10 айга эркинен ажыратылды 1544 0

Архив

Комментарийлер (2)

Bars88

2019-02-21 20:35:56

Тушкон акчаны карызга жолду ондогонго иштетишет десе.Уже болуп алышыптырго мынчасы мага мынчасы сага деп

tular

2019-02-22 00:16:27

Блиин, толоно элек акчаны уже болуп алышыптырго!!!
Это уже вопрос, жаз келе жатат элдин жинине коп тийбегиле, анткени митинг болуп кетсе эч ким толобойт. Ошондо эмнени болушоор экенсинер???

Комментарий калтыруу үчүн өз ысымыңыз менен кириңиз же каттоодон өтүңүз.