Жактоочу: "Атамбаевдин жан сакчысы Канат Сагымбаев Аскер прокуратурасына барып, Мамлекеттик кайтаруу кызматынын кызматкери менен беттешти"

Тектеш кабарлар: Атамбаевдин кармалышынын чоо-жайы жана андан кийинки камакка алуулар (265 материал)

Мурунку президент Алмазбек Атамбаевдин жан сакчысы Канат Сагымбаев Аскер прокуратурасына барды. Бул тууралуу SUPER.KG порталына жактоочу Замир Жоошев билдирди.

Анын айтымында, Канат Сагымбаев бүгүн, 27-августта саат 14:00гө чакырылган. "Канат Сагымбаев менен анын кесиптешинин көрсөтмөлөрүндө карама-каршылыктар болууда. Экөө тең күбө катары чакыртылып, беттештирүү болду", - дейт Замир Жоошев.

Алмазбек Атамбаев 8-августта ИИМдин атайын операциясынан кийин колго түшүп, УКМКнын тергөө абагына киргизилген. Андан кийин анын баш коргоо чарасын Биринчи Май райондук соту карап, камактагы мөөнөтү 2019-жылдын 26-октябрына чейин узартылган.