Бишкектеги Жал кичи районундагы үрөй учурган мушташта жабыркагандардын бири М.У. жарым-жартылай эсин жоготту. Бул тууралуу жабырлануучунун апасы SUPER.KG`ге билдирди.
"Уулум ооруканадан үйгө чыгарылган. Азыр Бишкекте, келинчеги карап жатат. Биз Ат-Башыдабыз. Уулум көп нерсени эстей албайт, ачуусу чукул болуп калды. Жакында экинчи ирет дарылоо курсун баштайт. Дарыгерлер уулумдун толук кандуу айыгышына жылдар керек дешти", - дейт ал.