Өзгөндө жол кырсыктан 7 адам күйүп кетти. Кырсык тууралуу Мырза-Аке айылынын башчысы айтып берди

Өзгөндө айдоочу рулга ээ боло албай электр мамысын сүзүп, өрт чыккан. Кырсыктын кесепетинен 7 адам каза болгонун ӨКМнын басма сөз катчысы билдирген болчу.

Кырсык тууралуу Мырза-Аке айылынын башчысы Базарбай Өсөрөв төмөнкүлөрдү айтып берди.

"Бүгүн, 3-февралда биздин аймакта жол кырсыгы катталган. Кырсык түндө болгондуктан, биз эртең менен окуя болгон жерге барып, көрдүк. Кырсыктан каза болгон жарандар биздин айылдын тургундары эмес, коңшу Большевик айылынын тургундары экени айтылууда. Айдоочу уктап кеткенби же мас абалында болгонбу аныктала элек", - деди ал.

Ал эми Мырза-Аке айыл өкмөтүнүн башчысы Раимберди Курманкулов кырсык тууралуу буларга токтолду.

"Каза болгондор кайдан келе жатканын эч ким айта элек. Бирок мен эртең менен барсам, кырсыктан кийинки кээ бир калдыктар калган экен. Ал калдык тоңуп калгандыктан, аны ысытып кээ бир жазууларды окудум. Андан кырсыкка кабылган унаанын кыймылдаткычынын көлөмү 3 миң сантиметр куб экенин жана 2003-жылкы унаа экенин билдим. Бул жактагы маалыматтарга караганда, каза болгон жарандар унаа базарынан келе жатышкан.

Бирок ал жакка унаа сатканы же алганы барганы анык айтыла элек. Алар Өзгөн шаарына токтоп, бир чайханадан тамактанышкан экен. Андан келе жатып кырсыкка кабылыптыр. Каза болгондор Большевик айылынын тургундары дешүүдө. Бул маалыматтарды большевиктик тургун айтып берди. Бизге жеткен маалымат ушул", - деди Курманкулов.

Өзгөндө автокырсыктан 7 адам каза болду. Алар унаанын ичинде күйүп кеткен

Автор: Гүлшат Ысамамат кызы

12:16 03-02-2020

Жазылуу

Тектеш кабарлар:

Бишкектен Ошко бара жаткан унаа кырсыкка кабылып, 3 адам кайтыш болду. Арасында эне, бала да бар

Ысык-Көлдө катталган автокырсыктан 4 адам каза болду. Дагы 2 жаран жаракат алды (фото)

19 жаштагы кыз каза болуп, дагы 3 жаран жаракат алды. Нарында айдоочу жылкыны сүзүп кырсыкка кабылды

Ош-Бишкек жолунда унаа 200 метр бийиктиктен кулап, 4 адам каза болду, дагы үчөө жандандыруу бөлүмүнө жеткирилди

Бишкекте жол кырсыгынан 18 жаштагы бала каза болуп, дагы бир жигит жаракат алды

2 кыз жана 9 жашар бала каза болду. Жалал-Абадда жеңил унаа дарыяга түшүп кеткен

Чүйдө Лексус менен жүк ташуучу унаа сүзүштү. Кырсык 6 адамдын өмүрүн алганы айтылууда (видео)

Сокулук районундагы Быстроток каналына автоунаа түшүп кетип, кырсыктан бир адам каза болду

Бишкекте айдоочу унааны башкара албай, бакты сүзүп алды. Кырсыктын кесепетинен 1 адам каза болду

Бишкек-Торугарт жолунда автокырсыктан 2 адам каза болду

РУБРИКАДАГЫ СОҢКУ КАБАРЛАР

12:19 2025-05-04 | Коом жана турмуш

Виртуалдык активдер жана блокчейн боюнча улуттук кеңеш түзүлдү 303 0

11:40 2025-05-04 | Кылмыштар, кырсыктар

Бишкектеги колледжде миллиондогон сом кымырууга шектелип 2 аял кармалды 730 0

11:10 2025-05-04 | Кылмыштар, кырсыктар

Бишкекте 73 жаштагы жаран миллиондон ашык сомун алдаткан. Шектүүлөрдүн бири кармалды (видео) 1097 0

10:48 2025-05-04 | Кылмыштар, кырсыктар

АКШда 25 жаштагы кыргызстандык дайынсыз болууда 803 0

10:33 2025-05-04 | Коом жана турмуш

Садыр Жапаров кытай-канадалык ишкер Чжаого өрүк комуз тартуу кылды (видео) 525 0

10:10 2025-05-04 | Коом жана турмуш

Садыр Жапаров Чанпэн Чжаону Чолпон-Атадагы "Рух-Ордодо" сыйлады (видео) 694 0

Архив

Комментарийлер (8)

Shabi

2020-02-03 12:24:49

Жакындарына сабыр.

chake

2020-02-03 12:37:30

кырылып бүтмөй болдук го кырсыктан

Nargiza1987k

2020-02-03 15:26:23

Аллахым озун сактай кор боодо кырсыктан.

brentfo

2020-02-03 16:02:15

Ишине жооп бербегендер дин уусуда

tular

2020-02-03 17:46:24

Калп эле провозащитник болуп жүргөндөрдүн жыты жокко?! Жол кырсыгын көтөрүп чыккан бир дагы киши жок, Кыргыздар автокырсыктан эле кырылып калмай болдукго?

Baku88

2020-02-03 21:26:06

tular, аларды эмне бироо атайы кырып атабы оздору да куноолу олушуно карабай ызгытып айдаган жаткан жерлери жайлуу болсун

Adilet2014

2020-02-03 18:25:27

Эээ жараткан аллахым... Кыргызымды ушундай кырсыктардан сактай кор!!!

Center

2020-02-03 23:11:30

Атың өчкүр арактын балееси, же жолдорду өтө таар кылып салган коррупциянын балееси, .ок курсактардын балееси. Ошол жолдорду бир жагына эки унаа кетчү линиядан жасашса мынчалык аравия көп болмок эмес, бул байкуштар да балким ошол ичке тар жолдо встречкадан келген унаадан качам деп барып сүзгөнда!

Комментарий калтыруу үчүн өз ысымыңыз менен кириңиз же каттоодон өтүңүз.