Бишкектин абасы нормадан 20 эсеге ашык булганууда. Жаңы конуштарда аба көбүрөөк булганганы байкалды

Тектеш кабарлар: Бишкекте абанын булганышы чектен ашып жатат (124 материал)

Кыргыз жериндеги "МувГрин" жаштар кыймылынын маалыматы боюнча суук түшкөндөн бери Бишкектин абасы булганып жатат. Жаңы конуштарда аба нормадан 20 эсеге ашык булганыч экенин көрүүгө болот. Буга менчик турак жайларда жашагандардын үйдө мешке от жакканы себеп болууда.

Аталган кыймыл интернеттеги баракчасына аба булганганы боюнча эң жогорку көрсөткүч Ак-Өргө конушунда 15-ноябрга караган түнү саат 3тө байкалганын жарыялады. Анда метр кубга булганган абанын концентрациясы 846 микрограммга барабар болгонун, максималдуу көрсөткүч 150-300 микрограммдан ашпашы керектиги айтылат.

Дүйнөлүк саламаттыкты сактоо уюмунда куб метрге 25 микрограмм болгон көрсөткүч норма катары саналат. airkaz.org сайтында Бишкектеги абанын булганышынын суткалык көрсөткүчүн байкап турууга болот.

Бишкек шаарынын Ак-Өргө конушундагы учурдагы көрсөткүч - 273 микрограмм (сутка ичиндеги көрсөткүчү 537), Чыгыш-5 району - 223 микрограмм (сутка ичиндеги көрсөткүч 392), Бөкөнбаев көчөсү - 181 микрограмм (сутка ичиндеги көрсөткүч 387).

Абанын булганышы адам баласынын ден соолугуна зыян келтирүүчү негизги фактор экени аныкталган. Бүткүл дүйнөлүк саламаттыкты сактоо уюму дүйнөдө абанын булганышы миллиондогон адамдардын өмүрүн аларын белгилеп келет. Өзгөчө булганган аба балдарга, карыларга көп зыянын тийгизип, аларды түрдүү ооруларга туруштук бере албай калышына алып келет. Улгайган адамдарда жүрөк кан-тамыр оорулары өөрчүсө, жаш балдардын организминдеги дем алуу системи толук калыптана элек болгондуктан дем алуу органдарында ооруларды пайда кылат.

жаңыланды 23:55 15-11-2018
кошулду 21:12 15-11-2018

Автор: Айпери Ганыжан кызы

Жазылуу

РУБРИКАДАГЫ СОҢКУ КАБАРЛАР

22:37 2024-05-02 | Коом жана турмуш

Сузактагы кырсыктан жабыркагандардын саны 32ге жетти 1584 0

22:18 2024-05-02 | Саясат

Садыр Жапаров шейх Мухаммад бин Заед Аль Нахайянга көңүл айтты 1088 0

21:54 2024-05-02 | Коом жана турмуш

Жума күнгө карата аба ырайы 569 0

21:47 2024-05-02 | Коом жана турмуш

ИИМ Сузактагы окуя боюнча билдирүү таратты 2175 1

21:21 2024-05-02 | Коом жана турмуш

Сузактагы кырсык: Hyundai Porter'дин айдоочусу бекер балмуздак таратмак 2501 0

20:27 2024-05-02 | Коом жана турмуш

Студенттер жана окуучулар арасында сынак жарыяланды 520 0

Архив

Комментарийлер (3)

Rifle_I

2018-11-15 18:32:30

Бир жерди бекем кысып, Япониянын машиналарына тыюу салбай туруш керек эле. Ошол япондордун машиналары таза келип жаткан. Ар бир кыргыз жаңыраак япошкаларды айдап калат элек.

Эми болсо айла жок эски немистерди айдап жүрүк.

-2

trabzon11

2018-11-15 19:31:22

Rifle_I,кайактагы машина бул жакта
Элдердин уйго комур жакканынан чыккан
Тутун жонундо соз болуп жатса сен кайакта
Машинаны айтасында

trabzon11

2018-11-15 19:33:14

Ошол учун тестерди кобуроок куруп
Жер уйлорго дагы жылуулук жеткириш керек..Болбосо калкыбызга абанын булгануусунан ден соолуктарына
Залака тийет..

Комментарий калтыруу үчүн өз ысымыңыз менен кириңиз же каттоодон өтүңүз.