Азиз Батукаевдин мыйзамсыз бошотулушу боюнча камакта отурган лаборант Ирина Цопова өлкөдөн чыкпоо тил каттын негизинде чыгарылды

Азиз Батукаевдин мыйзамсыз бошотулушу боюнча камакта отурган лаборант Ирина Цопова өлкөдөн чыкпоо тил каттын негизинде чыгарылды. Бул тууралуу SUPER.KG порталына өздүк маалымат булактар кабарлады.

Буга чейин белгилүү болгондой, кармалган дарыгер Эмил Макимбетов менен Ирина Цопова Азиз Батукаевге рак илдетине кабылды деген диагноз коюшканы маалымдалган.

25-июнда Биринчи май райондук соту Эмил Макимбетовдун баш коргоо чарасын өзгөртүп, аны үй камагына чыгарган болчу.

Окуянын чоо-жайы:

Мындан 6 жыл мурун Нарын шаардык соту кримтөбөл Азиз Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен.

17-апрелде башкы прокурор Өткүрбек Жамшитов 2019-жылдын январь айынан тартып кримтөбөл Азиз Батукаевдин иши кайрадан карала баштаганын айткан.

3-майда дарыгер-онколог Эмил Макимбетов жана лаборант Ирина Цопова, 6-майда жазаларды аткаруу кызматынын медициналык-санитардык камсыздоону уюштуруу башкармалыгынын мурдагы жетекчиси Акылбек Асанов, Саламаттыкты сактоо министрлигинин кызматкери Канат Бектемиров жана №47 колониянын борбордук ооруканасынын башкы дарыгери Фархад Атахожаев, 15-майда мурдагы саламаттыкты сактоо министри Динара Сагинбаева менен жазаларды аткаруу мамлекеттик кызматынын төрагасынын мурдагы кеңешчиси Калыбек Качкыналиев, 21-майда мурдагы вице-премьер Шамиль Атаханов, 30-майда ошол кездеги атайын прокурор Майрамбек Акматалиев, 3-июнда мурдагы башкы прокурор Аида Салянова, 19-июнда өкмөттүн аппаратынын коопсуздук, укук тартиби жана коргонуу бөлүмүнүн мурдагы жетекчиси Марат Бекенов, 24-июнда Нарын шаардык сотунун мурдагы судьясы Жапар Эрматов камакка алынган.

Мындан тышкары, 7-июнда жазаларды аткаруу кызматынын мурдагы башчысы, учурда Жогорку Кеңештин депутаты Зарылбек Рысалиев суракка алынып жаткан учурда ооруканага түшкөн.

Кримтөбөл Азиз Батукаевдин абактан бошотулушун кайра кароо иши боюнча бардык кабарларды ушул шилтемеден окуй аласыз.

РУБРИКАДАГЫ СОҢКУ КАБАРЛАР
Архив
Комментарийлер (9)
Jaznura
2019-08-17 18:19:15
Ирина Цоповага окшогондор заказды аткарган чабактар. Эн чон кит кармалды го. Бардык суроо-сопкут ошол Атамбаевде
+8
bond02
2019-08-17 18:33:26
Аа, Атамбаевди кармагыча буларды камай турушкан экен да убактылуу.
+8
bazar
2019-08-18 11:04:47
bond 02, ушуларды камап сурака алганда баардык маселе Атамбаевке барып такалып калган. Анан арга жок депутаттар "кол тийбестик" укугун алып салды
+2
Krasnoebeloe
2019-08-19 02:07:20
bond02,Ооба мен да ошентип ойлоп калдым
0
altyn-kumush
2019-08-17 19:38:53
Атамбаевдин колундагы куурчак болгон булар
+9
Jaznura
2019-08-17 20:26:00
Батукаевди качыргандардын ана башында Атамбаев турат
+8
urmat94
2019-08-17 21:31:36
Атамбаев буйрук берген да ошого баары атамбаевга каршы корсотмо беришти да ошого чыгып атышат чындыгында буларда куноо жок ошол убакта коркуп айталышкан эмесда айла жок буйрукту аткарышкан,булар болбосо да башкалыры ушу ишти кылат эле
+4
Avrora2017
2019-08-17 21:53:44
Бир бандит учун канча кишини камап отурушат ары жоктор
-4
Jaznura
2019-08-17 21:56:42
Avrora2017, бандитти качыруу кечирилгис иш болгон.
+2
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА