Кожобек Рыспаев: "386 миллион долларга модернизацияланган ЖЭБ толук бүткөн эмес"

386 миллион долларга модернизацияланган Бишкек жылуулук электр борбору толук бүткөн эмес. Бул тууралуу бүгүн, 2-февралда Жогорку Кеңеште журналисттер менен жолугушууда депутат Кожобек Рыспаев билдирди.

Эл өкүлү тийиштүү кызматкерлер ЖЭБдин бүтүргөнүн айтканы менен, иш аягына чыкпаганын белгиледи.

"ЖЭБдин абалын Кудай сактасын, ушул абалда кетсек, жакын арада жылуу суу жок калышыбыз мүмкүн. Анткени 1964-жылы курулгандыктан тетиктеринин баары эски. Бизди таң калтырганы, бизде жаңы ЖЭБ курулуп, анын ачылышы болуп, ишке киргенден кийин тиешелүү органдар иштеди дегенден кийин бир агрегаты иштебей, эски от казандар иштеген. Биз эмне үчүн эскилерди иштетип, жаңыны кармап отурганына кызыктык. Акырында ошол ЖЭБдин модернизациясы толук оңдолуп бүттү дегени менен, химиялык блогу бүтө элек экен. Таза сууну алып келип буу казандарга куюшу керек. Ал жерде ошол блок курулбаптыр. Эртең менен бир эле блок иштеп жаткан, жаңы ЖЭБ салынбаганда чоң кырсык болмок. Ал эми канча акча кеткени экинчи маселе", - деди Рыспаев.

Белгилей кетсек, 26-январда кечки саат 6 чамасында Бишкектеги Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин төмөндөгөн. Буга байланыштуу шаардагы үйлөргө берилген жылуулук төмөндөгөн.

Мындан улам 2 күн аралыгында Бишкекте электр энергиясын пайдалануу 8-10 пайызга жогорулаган. Электр жабдыктарына күч келгендиктен Бишкектеги кичи райондордо жайгашкан айрым көп кабаттуу үйлөр жарыксыз калган.

Бишкек ЖЭБден 120 миң 947 үй жылуулук менен камсыздалат.

Автор: Мунарбек Жоргомов

13:32 02-02-2018

Жазылуу

Тектеш кабарлар:

Башкы прокурор: "Бишкек ЖЭБин модернизациялоодо мамлекетке 111 миллион доллар өлчөмүндө зыян келтирилген"

Жогорку Кеңеш ЖЭБдеги аварияга байланыштуу өкмөттүн кышка даярдыгын "жетишерлик эмес" деп таап, күнөөлүүлөрдү жоопко тартуу боюнча токтомду карайт

"ТВЕА" Калыс-Ордо конушундагы курган мектепке 2 миллион доллар жетпей, Бишкек мэриясы 104 миллион сом бөлүп берген" дейт Өмүрканов

Сапар Исаков: "Кытайлардын "крышасы" болгон эмесмин" (диалог)

Депутаттар тендердик тартипти жоюп салууну сунушташууда

Парламентте ЖЭБди жаңылоо боюнча техникалык-экономикалык негиздеме кытай тилинен 7 жолу которулганы айтылды

Депутаттар ЖЭБдеги авария боюнча кылмыш иши туура эмес козголгонун айтып, анын жыйынтыгынан күмөн санашты

Исаков, Оторбаев, Шыкмаматов... ЖЭБ боюнча депутаттык комиссиянын корутундусуна кимдердин аттары кирди (тизме)

Бекешев депутаттарга WhatsApp аркылуу тапшырмалар келип жатканын айтты

Биринчи вице-премьер Жогорку Кеңеште Бишкек ЖЭБинде жүргүзүлгөн оңдоо иштери боюнча маалымат берди

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 31 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 196 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3316 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 407 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1518 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 312 0

Архив

Комментарийлер (2)

pixduel1

2018-02-02 13:51:36

Акча биринен бирине отуп копейкага арзан нерсе коюлганда! Мындай жомокторду эл уга берип кулактары уккусу келбей калган,шылтоонорду койгулачы ! Дагы шугур кылгыла эл чыдамкай!

jbolotov

2018-02-02 15:00:16

Оз мекеним учун деп ак кызмат кылгандар жок экенда, 386 млн эмне деген акчалар, чет олкодон эксперттерди чакырып аудит кылып корушсо болмок.

Комментарий калтыруу үчүн өз ысымыңыз менен кириңиз же каттоодон өтүңүз.